Rahul Gandhi: कॉंग्रेस नेता राहुल गांधी आज सुरत सत्र न्यायालयात मानहानी प्रकरणात त्यांना दिलेल्या शिक्षेविरोधात याचिका दाखल करणार आहे. याबरोबरच रेग्युलर बेलसाठीदेखील अर्ज दाखल करणार असल्याची माहीती मिळाली आहे.
राहुल गांधी सुरत न्यायालयात जाण्याआधी कॉंग्रेस नेता प्रियंका गांधी आणि सोनिया गांधीनींदेखील त्यांची भेट घेतली आहे.
राजस्थानचे मुख्यमंत्री अशोक गहलोत, छत्तीसगडचे मुख्यमंत्री भूपेश बघल आणि हिमाचलप्रदेशचे मुख्यमंत्री सुखविंदर सिंह सुक्खू हेदेखील राहुल गांधीबरोबर न्यायालयात हजर राहणार आहेत. यानेत्यांसोबत अनेक दिग्गज नेते यावेळी न्यायालयात राहुल गांधींच्या समर्थनार्थ हजर राहणार आहेत.
13 एप्रिल 2019 मध्ये राहुल गांधींनी एका रॅलीदरम्यान नीरव मोदी, ललीत मोदी, नरेंद्र मोदी यांचे आडनाव कॉमन का आहे? सगळ्या चोरांचे आडनाव मोदी का असते? असे म्हटले होते. त्यांच्या या विधानावर आक्षेप घेत भाजपचे आमदार आणि माजी मंत्री यांनी पूर्णेश मोदींनी त्यांच्याविरोधात कलम 499, 500 अंतर्गत आपराधिक मानहानीचा गुन्हा दाखल केला होता.
मानहानीच्या प्रकरणावर सुनावणी देताना सुरतच्या सत्र न्यायालयाने राहुल गांधींना दोन वर्षाची शिक्षा दिली आहे. त्यानंतर लोकसभा सचिवालयाने राहुल गांधींची खासदारकी रद्द केली आहे. राहुल गांधीची खासदारकी रद्द केल्यानंतर देशात मोठा गोंधळ निर्माण झाला होता. देशभरातून याचा निषेध करण्यात आला होता.
दरम्यान, राहुल गांधींच्या समर्थनार्थ अनेक नेते सुरत न्यायालयात हजर राहत आहेत. मात्र कॉंग्रेस नेत्यांच्या गाड्यांची तपासणी करत चौकशी करुन गाड्या पुढे जाण्यास परवानगी दिली जात आहे. याप्रकारावर यशोमती ठाकूर यांनी संताप व्यक्त केला आहे. आता न्यायालयात राहुल गांधींचा जामीन मंजूर केला जाणार की नाही हे पाहणे महत्वाचे ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
