Haryana: बंद कॅफेत 'अश्लील उद्योग', टाळं तोडलं अन् पोलिसांना 5 तरुण, 5 तरुणी सापडल्या आक्षेपार्ह अवस्थेत

Haryana News: हरियाणातील यमुनानगर येथील कॅफेवर छापा टाकून पोलिसांनी 5 तरुण आणि 5 तरुणींना आक्षेपार्ह अवस्थेत पकडले. पोलिसांनी त्यांना पकडून पोलिस ठाण्यात नेले आणि चौकशी केल्यानंतर नातेवाईकांना माहिती दिली.

अटक करण्यात आलेले सर्व विद्यार्थी (Students) येथील शैक्षणिक संस्थांमध्ये शिकत असल्याचे सांगण्यात येत आहे. या घटनेनंतर परिसरात एकच खळबळ उडाली आहे.

दरम्यान, कॅफेच्या आत लहान केबिन बांधल्या होत्या. जिथे छोट्या पलंगांप्रमाणे फोमच्या गाद्या ठेवण्यात आल्या होत्या. पोलिसांनी (Police) केलेल्या कारवाईदरम्यान कॅफेच्या आतून 10 तरुण-तरुणींना बाहेर काढण्यात आले. त्यानंतर त्यांना पकडून पोलीस ठाण्यात नेले.

कॅफेला बाहेरुन कुलूप होते

कॅफेमध्ये बऱ्याच दिवसांपासून चुकीच्या गोष्टी सुरु असल्याची गुप्त माहिती पोलिसांना मिळाली होती. घटनास्थळी कॅफेला बाहेरुन कुलूप होते. पोलिसांना त्यांच्या माहितीची खात्री होती. त्यामुळे कॅफेचे कुलूप तोडून आत गेले असता 5 तरुण आणि 5 तरुणी आक्षेपार्ह अवस्थेत दिसले. या घटनेनंतर कॅफेचालक फरार झाला आहे.

पोलिसांनी वेगवेगळ्या वाहनांतून जोडप्यांना पोलीस ठाण्यात नेले

अटक केलेल्या जोडप्यांना दोन वेगवेगळ्या वाहनात बसवून पोलीस ठाण्यात नेण्यात आले. याप्रकरणी एसएचओ सिटी पृथ्वी सिंह यांनी सांगितले की, 5 तरुण आणि 5 तरुणींना अटक करण्यात आली आहे. ते या खोलीत का आले होते, याची चौकशी केली जात आहे. कॅफेचा मालक फोन उचलत नाही, तो लवकरच पकडला जाईल.