पंतप्रधान नरेंद्र मोदी (Prime Minister Narendra Modi) आज संयुक्त राष्ट्राच्या सुरक्षा परिषदेच्या (UNSC) सागरी सुरक्षेवर खुल्या चर्चेचे अध्यक्षत्व करणार आहेत. या बैठकीची थीम 'एन्हान्सिंग मरीटाईम सिक्युरिटी - 'अ मॅटर फॉर द मेन्टेनन्स ऑफ इंटरनॅशनल पीस अँड सिक्युरिटी'. अशी असणार आहे. (PM Narendra Modi will address to UNSC today)
पंतप्रधान कार्यालयाने (PMO) एका निवेदनात म्हटले आहे की, यूएनएसी सदस्य देशांचे राज्य प्रमुख आणि सरकार या चर्चेत सहभागी होण्याची शक्यता आहे. संयुक्त राष्ट्रसंघ आणि प्रमुख प्रादेशिक संघटनांचे अधिकारीही यात सहभागी होण्याची अपेक्षा आहे. पीएमओने म्हटले, "संयुक्त राष्ट्र सुरक्षा परिषदेच्या खुल्या चर्चेचे अध्यक्ष असलेले नरेंद्र मोदी हे पहिले भारतीय पंतप्रधान असतील."
पीएमओने म्हटले आहे की यूएनएससीने आतापर्यंत अनेकदा सागरी सुरक्षा आणि सागरी गुन्हेगारीच्या विविध पैलूंवर चर्चा केली आहे आणि अनेक ठराव देखील पारित केले आहेत. मात्र , सागरी सुरक्षेवर उच्चस्तरीय आणि खुली चर्चा सखोल पद्धतीने होण्याची ही पहिलीच वेळ असणार आहे. "कोणताही देश सागरी सुरक्षेच्या विविध पैलूंबद्दल चिंता करू शकत नाही, त्यामुळे त्याला यूएनएससीमध्ये व्यापक विषय म्हणून पुढे नेणे महत्त्वाचे असल्याचे पीएमओ तर्फे सांगण्यात येत आहे.
सागरी सुरक्षेचा एक व्यापक दृष्टीकोन असावा, जो वैध सागरी व्यवहारांचे संरक्षण करू शकतो तसेच सागरी क्षेत्रासाठी पारंपारिक आणि अपारंपरिक धोक्यांना सामोरे जाऊ शकतो.भारताने 1 ऑगस्टपासून ही जबाबदारी स्वीकारली आहे. यूएनएससीमध्ये अमेरिका, चीन, ब्रिटन, रशिया आणि फ्रान्सचे केवळ पाच कायम सदस्य आहेत. सध्या भारत सुरक्षा परिषदेचा दोन वर्षांसाठी कायम नसलेला सदस्य आहे.तसेच, भारत बऱ्याच काळापासून सुरक्षा परिषदेत कायमस्वरुपी सदस्य होण्याचा दावा करत आहे. भारताशिवाय जगातील इतर सर्व देश देखील संयुक्त राष्ट्रांच्या सुधारणेसह सुरक्षा परिषदेत कायम सदस्यांची संख्या वाढवण्याची मागणी करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
