Prime Minister Narendra Modi was honored with the Order of the Druk Gyalpo: भूतानच्या राजाने शुक्रवारी पंतप्रधान नरेंद्र मोदी यांना 'ऑर्डर ऑफ द ड्रुक ग्यालपो' देऊन सन्मानित केले. हा भूतानचा सर्वोच्च नागरी सन्मान आहे. हा सन्मान मिळवणारे पंतप्रधान मोदी हे पहिले विदेशी नेते ठरले आहेत. भूतानमध्ये 'ऑर्डर ऑफ द ड्रुक ग्यालपो' सन्मानाला खूप महत्त्व आहे. हा सन्मान उत्कृष्ट कामगिरी आणि आयुष्यभर समाजासाठी काम केल्याबद्दल दिला जातो. भूतानच्या स्थापनेपासून आतापर्यंत हा पुरस्कार केवळ चार मान्यवरांना प्रदान करण्यात आला आहे.
दरम्यान, 'ऑर्डर ऑफ द ड्रुक ग्यालपो' पुरस्कार मिळालेल्यांमध्ये भूतानची राणी आशी केसांग चोडेन वांगचुक यांचा समावेश आहे. 2008 मध्ये जे थ्रीझूर तेन्झिन डेंडुप (भूतानचे 68 वे जे खेंपो) आणि 2018 मध्ये जे खेंपो ट्रुलकु नगावांग जिग्मे चोएड्रा यांना हा सन्मान प्रदान करण्यात आला. जे खेंपो हे भूतानच्या केंद्रीय मठाचे मुख्य मठाधिपती आहेत.
भूतानच्या दोन दिवसीय दौऱ्याची सुरुवात करुन पंतप्रधान मोदींनी शुक्रवारी थिम्पू येथे भूतानचे राजे जिग्मे खेसर नामग्याल वांगचुक यांची भेट घेतली. भूतानच्या राजाला भेटण्यापूर्वी पंतप्रधान मोदींचे भव्य स्वागत करण्यात आले. नेबरहुड फर्स्ट धोरणांतर्गत भूतानशी भारताचे संबंध अधिक दृढ करण्याच्या उद्देशाने पंतप्रधान मोदी दोन दिवसीय दौऱ्याची सुरवात केली. त्यांच्या आगमनानंतर काही तासांनी पंतप्रधान मोदी म्हणाले की, 'त्यांचे अतिशय संस्मरणीय स्वागत करण्यात आले. भूतानी जनतेचे आभार.' भारत-भूतान मैत्री यापुढेही नवीन उंची गाठेल, अशी आशा त्यांनी यावेळी व्यक्त केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.