कानपूर विमानतळावर लॅंडींगदरम्यान विमानाचे इंजिन निकामी; जीवितहानी नाही

चेन्नईहून कानपूरला येत असलेल्या तटरक्षक दलाच्या विमानाचे लँडिंगदरम्यान इंजिन निकामी झाले आणि ते एका कट्ट्याला जाऊन धडकले. ही घटना कानपूर विमानतळावर शनिवारी घडली. (Kanpur News)

मिळालेल्या माहितीनुसार, लँडिंगदरम्यान विमानाच्या डाव्या बाजूचे इंजिन निकामी झाल्यामुळे विमान अचानक उजवीकडे वळले. विमानाचा वेग जास्त असल्याने ते असंतुलित होऊन धावपट्टीवरुन बाजूला झाले आणि पुढे एका कट्ट्याला धडकले. या घटनेत जीवितहानी झाली नाही.

विमानतळ (Airport) अधिकाऱ्यांकडून मिळालेल्या माहितीनुसार, लँडिंग केल्यानंतर विमानाच्या डाव्या इंजिनने काम करणे बंद केले. वैमानिकांनी विमान धावपट्टीवर उतरवताच असंतुलणामुळे ते उजवीकडे वळले. वैमानिकांच्या (Pilot) प्रयत्नांनंतर देखील विमान थांबले नाही.