पंतप्रधान नरेंद्र मोदी आज पुणे दौऱ्यावर, वाचा संपूर्ण कार्यक्रम एका क्लीकवर

भारताचे पंतप्रधान नरेंद्र मोदी (PM Narendra Modi) आज पुणे दौऱ्यावर आहेत. पुणे मेट्रोच्या वनाझ ते गरवारे या एक टप्प्याचे मोदींच्या हस्ते लोकार्पण होणार आहे. तसेच नदीसुधार प्रकल्पाची देखील सुरुवात केली जाणार आहे. सकाळी दहाच्या सुमारास मोदींचे पुण्यात आगमन होणार. त्यानंतर ते पुणे महापालिकेतील छत्रपती शिवाजी महाराजांच्या पुतळ्याचे लोकार्पण करतील.

पंतप्रधान मोदी (PM Narendra Modi) गरवारे येथे मेट्रोचे उद्घाटन करून मेट्रोने प्रवास करतील. यानंतर एमआयटी जवळील भाजपकडून सभा आयोजित केली जाणार आहे. या सभेनंतर मोदी आर के लक्ष्मण गॅलरीचे उद्घाटन करतील आणि सिम्बॅायसिस विद्यापीठाच्या सुवर्ण महोत्सवी वर्षाच्या सुरुवातीच्या कार्यक्रमाला उपस्थितीत राहणार आहे. यानंतर मोदी दुपारी 2:30 च्या सुमारास विमानतळाकडे रावण होणार आहे.

दरम्यान मोदींच्या पुणे दौऱ्या आधीच येथील राजकारण तापल आहे. अर्धवट प्रोजेक्टसचे उद्घाटन पंतप्रधान मोदी करत असल्याचे टिका शरद पवार यांनी केली आहे. मोदींच्या पुणे दौऱ्या दरम्यान त्यांचा निषेध करण्यासाठी काँग्रेस आणि राष्ट्रवादी आंदोलन करत काले झेंडे दाखवणार आहेत.