C-17 हे विमान बुधवारी हंगेरीची राजधानी बुडापेस्ट येथून निघाले होते, तसेच संरक्षण राज्यमंत्री अजय भट्ट यांनी स्वत: भारतीय नागरिकांचे स्वागत केले आहे. भट्ट यांनी प्रवाशांना प्रोत्साहन देत त्यांच्याशी संवादही साधला आहे. विमानातून विद्यार्थी उतरताच ते विमान पुन्ही विद्यार्थ्यांना आणन्यासाठी टेकऑफ केलं जाणार आहे. प्रत्येक विद्यार्थ्याला आणणे हे आमचे कर्तव्यचं आहे. रात्रंदिवस काम करणाऱ्या प्रत्येक क्रूचे मी मनापासून अभिनंदन करतो, असे संरक्षण राज्यमंत्री अजय भट्ट यांनी यावेळी सांगितले. (Operation Ganga 220 arrives at the second IAF Hindon Airbase with Indian nationals)
आमच्या @ IAF _MCC क्रू तसेचं वैमानिक त्यांच्या चोवीस तास सेवेसाठी आणि आमच्या नागरिकांना सुरक्षितपणे घरी परत आणण्याच्या सरकारच्या प्रयत्नांना पाठिंबा देण्यासाठी आम्ही अत्यंत आभारी आहे. त्यांनी #OperationGanga," असेही ट्विट केले आहे. यापूर्वीही गुरुवारी, रोमानियाची (Romania) राजधानी बुखारेस्ट येथून सुमारे 200 भारतीय नागरिकांना घेऊन पहिले IAF विमान हिंडन एअरबेसवर पोहोचले होते. ज्याचं नाव ऑपरेशन गंगा असं आहे. पातळी वाढवण्यासाठी पंतप्रधान नरेंद्र मोदी (PM Narendra Modi) यांनी हवाई दलाला बचाव कार्यात सहभागी होण्याचे आदेश देखील दिले होते.
उल्लेखनीय बाब म्हणजे, अमेरिकन C-17 ग्लोबमास्टर्स आणि IL-76 वाहतूक विमाने सुमारे 400 प्रवाशांसह लांब अंतरापर्यंत उड्डाण करण्यास पुर्णपणे सक्षम आहेत. तालिबानने (Taliban) अफगाणिस्तानवर (Afghanistan) ताबा मिळवला आणि अमेरिकन (America) लोकांना तेथून बाहेर पडण्यास भाग पाडले तेव्हा C-17 वाहतूक विमानाने काबुलमधून नागरिकांना आणि अधिकाऱ्यांना बाहेर काढण्यासाठी मोठ्या प्रमाणात मदत देखील केली होती.
परराष्ट्र मंत्री एस जयशंकर ( S. Jaishankar) यांनी गुरुवारी सांगितले की हंगेरी, रोमानिया, स्लोव्हाकिया आणि पोलंड येथून गुरुवारी नऊ उड्डाणे उड्डाण झाली आहेत. "हंगेरी, रोमानिया, स्लोव्हाकिया आणि पोलंड येथून आज नऊ उड्डाणांनी आकाशात भरारी घेतली आहेत. त्यात IAF विमानांचाही समावेश आहे. आणखी 6 उड्डाणे लवकरच निघणे अपेक्षित आहेत. एकूण 3000 हून अधिक भारतीय नागरिकांना परत मायदेशात आणेल, असे जयशंकर यांनी ट्विट केले आहे.
एकूण 17,000 भारतीय नागरिक युक्रेन सोडून गेले आहेत त्यात सूचना जारी केल्यापासून आणि युक्रेनमध्ये अडकलेल्या उर्वरित विद्यार्थ्यांना बाहेर काढण्यासाठी ऑपरेशन गंगा अंतर्गत उड्डाणे देखील वाढवण्यात आली आहेत. युक्रेन सोडलेल्या विद्यार्थ्यांमध्ये काही भारतीयांचाही समावेश होता ज्यांनी यापूर्वी कीवमधील भारतीय दूतावासात नोंदणी केली नाही. दरम्यान, पंतप्रधान नरेंद्र मोदी यांनी बुधवारी या विषयावर उच्चस्तरीय बैठक घेतली होती. या बैठकीला केंद्रीय मंत्री एस जयशंकर, पीयूष गोयल, राष्ट्रीय सुरक्षा सल्लागार अजित डोवाल, परराष्ट्र सचिव हर्षवर्धन श्रृंगला आणि इतर अधिकारी देखील उपस्थित होते. गेल्या काही दिवसांपासून पंतप्रधान या विषयावरती महत्त्वाच्या बैठका सातत्याने घेत आहेत. यासंबधित रशियन सैन्याने युक्रेनमध्ये लष्करी कारवाई सुरू केली आहे.
24 फेब्रुवारी रोजी, मॉस्कोने युक्रेनचे तुटलेले प्रदेश, डोनेस्तक आणि लुहान्स्क स्वतंत्र संस्था म्हणून मान्यता दिल्यानंतर तीन दिवसांनीचं यूके, अमेरिका, कॅनडा आणि युरोपियन युनियनसह अनेक देशांनी युक्रेनमधील रशियाच्या लष्करी कारवायांचा निषेध केला आणि मॉस्कोवर निर्बंध देखील लादले, आणि या देशांनी युक्रेनला रशियाशी लढण्यासाठी लष्करी मदत करण्याचे आश्वासनही दिले आहे.
यूएस, कॅनडा आणि युरोपियन मित्र देशांनी आंतरबँक मेसेजिंग सिस्टीम, SWIFT मधून प्रमुख रशियन बँका काढून टाकण्यास सहमती दर्शविली आहे, म्हणजे रशियन बँका रशियाच्या सीमेपलीकडे असलेल्या बँकांशी सुरक्षितपणे संवादही साधू शकणार नाहीत. राष्ट्राध्यक्ष पुतिन यांनी अमेरिका आणि त्याच्या मित्र राष्ट्रांविरुद्ध विशेष आर्थिक उपाययोजनांच्या आदेशावरती स्वाक्षरी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.