Kedarnath Dham Yatra 2023: केदारनाथ यात्रेसाठी नोंदणी पुन्हा सुरू होणार, 'या' दिवसापासून करु शकता अर्ज

Kedarnath Dham Yatra 2023: केदारनाथ धाम यात्रेसाठी भाविकांची मोठी गर्दी आहे. केदारनाथ यात्रेसाठी ऑनलाइन नोंदणी केली जात आहे. 

उत्तराखंडमधील खराब हवामानामुळे अनेकवेळा नोंदणी वेळोवेळी थांबविण्यात आली होती. आता केदारनाथ यात्रेच्या दर्शनासाठी 10 जूनपासून नोंदणी सुरू होत आहे. खराब हवामान आणि भाविकांची वाढती गर्दी यामुळे नोंदणी वर बंदी घालण्यात आली होती.

• भाविकांची संख्या 41 लाखांच्या पुढे
  

चारधाम यात्रा 2023 मध्ये दर्शनासाठी आलेल्या भाविकांची संख्या 41 लाखांच्या पुढे गेली आहे. मीडिया रिपोर्ट्सनुसार, केवळ केदारनाथ धामसाठी दररोज 20 हजारांहून अधिक नोंदणी केली जात आहे. केदारनाथ धामसाठी आतापर्यंत एकूण 13 लाख 38 हजार भाविकांनी नोंदणी केली आहे.

• केदारनाथ यात्रेसाठी नोंदणी कशी करावी
  

केदारनाथ यात्रेसाठी ऑनलाइन नोंदणी करता येते. 

registrationandtouristcare.uk.gov.in या वेबसाइटवर जावून नागरिक सहजपणे नोंदणी करू शकतात. 

तुम्ही या टोल फ्री क्रमांक ०१३५१३६४ आणि १३६४ वर कॉल करूनही नोंदणी करू शकता.

• केदारनाथ यात्रेचे महत्त्व
  

प्रत्येकाची इच्छा असते की एकदा तरी केदारनाथला जावे. केदारनाथ धाम यात्रा भक्तांच्या सर्व पापांचा नाश करते. चारधामच्या प्रवासात केदारनाथ धामचे दर्शन घेतल्यावरच प्रवास सफल होतो. केदारनाथ मंदिर सुमारे 400 वर्षे बर्फात गाडले होते, अशी वैज्ञानिक मान्यता आहे. बर्फात गाडूनही मंदिराला काही झाले नाही.