नॅशनल हेराल्ड प्रकरणावरुन काँग्रेस नेते राहुल गांधी यांची अंमलबजावणी संचालनालय सुरु ठेवली आहे. याबाबत काँग्रेस कार्यकर्ते आक्रमक झाले आहेत. राहूल गांधी हे ईडीमध्ये हजर झाल्याने संतप्त झालेले काँग्रेस नेते आणि कार्यकर्ते रस्त्यावर उतरत आंदोलन करत आहेत. या पार्श्वभूमीवर काँग्रेस नेत्या रेणुका चौधरी यांच्याकडून आक्षेपार्ह कृत्य केल्याचे कॅमेऱ्यात कैद झाले आहे. (National Herald case: Congress leaders aggressive; Directly caught police 'collar' )
हैदराबादमध्ये सुरु असलेल्या आंदोलनादरम्यान काँग्रेस नेत्या रेणुका चौधरी यांनी एका पोलिसाची कॉलर पकडल्याचे व्हिडिओमध्ये दिसत आहे. पोलीस त्यांना माघार घ्यायला सांगत आहे. याप्रकरणी भाजपने आता रेणुका चौधरी यांच्यावर हल्लाबोल केला आहे. तेलंगणामध्ये काँग्रेस नेत्या रेणुका चौधरी यांच्याविरोधात आता गुन्हा दाखल करण्यात आला आहे.
राहुल गांधी यांच्या अटकेबाबत निदर्शने तीव्र करताना तेलंगणा, कर्नाटक, महाराष्ट्रासह अनेक राज्यांमध्ये काँग्रेस नेत्यांच्यावतीने निदर्शने होऊ लागली आहेत. महाराष्ट्रात आंदोलन करणाऱ्या महाराष्ट्र सरकारच्या वरिष्ठ मंत्र्यांसह पक्षाच्या नेत्यांना पोलिसांनी ताब्यात घेतले आहे.
काय आहे नॅशनल हेराल्ड केस
भारतीय जनता पक्षाचे नेते सुब्रमण्यम स्वामी यांनी 2013 मध्ये याप्रकरणी तक्रार दाखल केली होती. स्वामी यांनी सोनिया गांधी, राहुल गांधी आणि इतरांवर फसवणूक आणि निधीच्या गैरव्यवहाराचा कट रचल्याचा आरोप केला होता. स्वामींनी दावा केला होता की, यंग इंडियन प्रायव्हेट लिमिटेडने 90.25 कोटी रुपये वसूल करण्याचा अधिकार मिळवण्यासाठी केवळ 50 लाख रुपये दिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
