NaMo App New Feature: आता NaMo App अ‍ॅपमध्येही AI चा वापर.... युजर्सना मिळणार 'ही' सुविधा, पंतप्रधानांसोबत...

Namo App Gets New Feature: तुम्ही कधी पंतप्रधान नरेंद्र मोदींसोबत फोटो काढला आहे का? तुमचा तो फोटो कुठे हरवला आहे? तर आता काळजी करू नका.

कारण,आता असे फिचर नमो अॅपवर आले आहे, जे एआय तंत्रज्ञानाने सुसज्ज असुन ते तंत्रज्ञान तुमचा तो फोटो शोधण्याचे काम करणार आहे.

कारण नमो अ‍ॅपमध्ये फोटो बूथ नावाचे एक नवीन फीचर अपडेट करण्यात आले आहे. हे फिचर पंतप्रधान नरेंद्र मोदी यांच्याशी संबंधित प्रत्येक आठवणी जतन करण्याचे काम करेल आणि सामान्य लोकांशी देखील शेअर करेल.

• AI तंत्रज्ञानाने सुसज्ज नमो अ‍ॅप

एका अधिकाऱ्याने सांगितले की, नमो अ‍ॅप आर्टिफिशियल इंटेलिजन्स तंत्रज्ञानाने सुसज्ज आहे. ज्यामध्ये त्या व्यक्तीचा फोटो स्कॅन करून तो पंतप्रधानांसोबतचा फोटो तुमच्यासमोर डेटाबेसमध्ये ठेवतो.

अधिकाऱ्याने सांगितले की, आतापर्यंत फक्त खासदार, आमदारांसारखे लोकच पंतप्रधान मोदींसोबत त्यांचा फोटो लावू शकत होते.

पण आता केव्हाही पंतप्रधानांसोबत क्लिक झालेल्या सामान्य माणसाचे फोटो या तंत्रज्ञानाच्या आधारे शोधु शकतो. एवढेच नाही तर नमो अॅपवर तुमचा उपस्थित असलेला फोटोही डाउनलोड करू शकता.

• बऱ्याच काळापासुन कार्य सुरु होते

पीएम मोदींशी संबंधित या अॅपवर एक टीम बराच काळापासुन काम करत होती. सुरुवातीला नमो अॅपवर फक्त 30 दिवसांत क्लिक केलेले फोटोच उपलब्ध होते. पण आता जुने फोटोही अॅपवर उपलब्ध असतील.

सूत्रांनी दिलेल्या माहितीनुसार नमो अॅप हे पहिलेच प्लॅटफॉर्म आहे, जे अशा तंत्रज्ञानाने सुसज्ज आहे. पंतप्रधान नरेंद्र मोदी यांनी एकदा सांगितले होते की, त्यांनी सुरुवातीपासून तंत्रज्ञानाचा वापर केला नसला तरी प्रत्येक नवीन गोष्ट शिकली पाहिजे.

ते स्वतःही तंत्रज्ञानाचा वापर करायला शिकतात. पीएम मोदींनी खासदारांना तंत्रज्ञानाचा वापर करण्याचा सल्लाही दिला होता.