दिल्ली एनसीआरसह (Delhi NCR) देशाच्या अनेक भागात तीव्र पावसाची शक्यता (Heavy Rain) वर्तवली जात आहे.काहीदिवसांपासून सतत पडत असलेल्या मुसळधार पावसामुळे अनेक भागात सामान्य नागरिकांना अनेक समस्यांना सामोरे जावे लागत आहे. मुसळधार पावसामुळे, ज्या भागात पाणी साचण्याची परिस्थिती आहे, त्या जागी लोकांना घराबाहेर पडताना खूप अडचणींचा सामना करावा लागत आहे.(Monsoon Update: Meteorological Department alert heavy rain in this 9 states)
हवामान विभागाने (Meteorological Department) दिलेल्या माहितीनुसार (Monsoon Update), पुढील चार दिवसांमध्ये मध्य महाराष्ट्र (Maharashtra), कोकण आणि गोवा (Konkan & Goa), मध्य प्रदेश (Madhya Pradesh), विदर्भ, गुजरात(Gujarat), पूर्व राजस्थान (Rajasthan), छत्तीसगड (Chhattisgarh) आणि ओडिशामध्ये मुसळधार पावसाची शक्यता आहे.हवामान खात्याच्या अंदाजानुसार सोमवारी आणि मंगळवारी ओडिशा, गुजरात आणि मध्य महाराष्ट्र आणि कोकण वगळता गोव्यात वेगवेगळ्या ठिकाणी मुसळधार पाऊस पडण्याची शक्यता आहे.
हवामान खात्याच्या अंदाजानुसार, पुढील चार दिवसांत देशभरात मुसळधार पाऊस दिसू शकतो. हवामान विभागाने पुढील 4 दिवसांमध्ये किनारपट्टी कर्नाटकच्या भागात मुसळधार पावसाचा अंदाज व्यक्त केला आहे. 13 तारखेला किनारपट्टी आंध्र प्रदेश आणि तेलंगणामध्ये आणि 15 सप्टेंबरपर्यंत केरळमध्ये पावसाची शक्यता आहे.
हवामान खात्याच्या मते, दिल्ली एनसीआर व्यतिरिक्त आज पंजाब, हरियाणा आणि उत्तर प्रदेशात पाऊस पडण्याची शक्यता आहे. दुसरीकडे, डोंगराळ राज्य उत्तराखंड, ओडिशा, छत्तीसगड, मध्य प्रदेश, राजस्थान आणि गुजरातचा पूर्व भाग आणि अंदमान आणि निकोबार बेटांवर आज पाऊस असणार आहे.
तर फक्त महाराष्ष्ट्र राज्याचा विचार करता हवामान विभागाने (Meteorological Department)पुढील तीन ते चार दिवसात महाराष्ट्राच्या पश्चिम किनारपट्टीवर वेगाने वारे वाहणार आहे. तसेच राज्यात विविध ठिकाणी मुसळधार ते अतिमुसळधार पाऊस होण्याची शक्यता आहे असा, अंदाज वर्तवला आहे. बंगालच्या उपसागरामध्ये कमी दाबाचे क्षेत्र आज तीव्र झाले आहे. पुढील 24 तासात ते आणखी तीव्र होण्याची शक्यताही आहे. अशी शक्यता IMD ने वर्तवली आहे.
त्याचबरोबर हवामान खात्याने आजसाठी पालघर, ठाणे, रायगड, रत्नागिरी, पुणे, सातारा आणि कोल्हापूरला ऑरेंज अ‌ॅलर्ट जारी केला आहे. तर, मुंबई, सिंधुदुर्ग, नाशिक, धुळे, नंदूरबार, जळगाव, बीड, जालना, परभणी, हिंगोली, नांदेड, वाशिम, बुलडाणा, अकोला, यवतमाळ, वर्धा, नागपूर, अमरावती, आणि गोंदिया, भंडारा, गडचिरोली जिल्ह्यांना यलो अ‌ॅलर्ट देण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
