Viral Video: भिंतीपलीकडं डोकावून पाहत असताना 'भिंतच' कोसळली, काकाला डोळ्यासमोर दिसला मृत्यू; थरारक व्हिडिओ व्हायरल

Social Media Viral Video: आजच्या डिजिटल युगात सोशल मीडिया हे केवळ मनोरंजनाचे साधन नसून, अनेक आश्चर्यकारक आणि विचार करायला लावणाऱ्या घटनांचा साक्षीदार बनले आहे. दररोज लाखो व्हिडिओ आणि फोटो सोशल मीडियावर पोस्ट होत असतात, त्यापैकी काही असे असतात, जे पाहून आपल्याला धक्का बसतो आणि काही व्हिडिओ नशिबावर विश्वास ठेवायला भाग पाडतात. सध्या असाच एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये एका व्यक्तीचा काही सेकंदांच्या फरकाने मृत्यू टळल्याचे दिसत आहे. ही घटना पाहून तुम्हीही अवाक व्हाल.

आधी हा व्हिडिओ पाहा!

व्हायरल व्हिडीओमध्ये काय दिसले?

सध्या व्हायरल होत असलेल्या व्हिडीओमध्ये (Video) एक वयस्क व्यक्ती एका गल्लीतून चालताना दिसतात. चालता-चालता ते अचानक एका जीर्ण झालेल्या भिंतीजवळ थांबतात. उत्सुकतेपोटी ते भिंतीच्या पलीकडे डोकावून पाहण्याचा प्रयत्न करतात. मात्र, त्या ठिकाणाहून त्यांना नीट दिसत नाही. त्यामुळे ते काही पावले पुढे सरकतात आणि दुसऱ्या ठिकाणाहून भिंतीच्या पलीकडे पाहू लागतात.

तोपर्यंत, व्हिडीओमध्ये एक अकल्पित आणि धक्कादायक घटना घडते. ज्या ठिकाणी हे गृहस्थ काही सेकंदांपूर्वी उभे होते, त्याच ठिकाणी भिंतीचा एक मोठा भाग अचानक कोसळतो. ही घटना पाहून त्या व्यक्तीलाही धक्का बसतो, आणि ते थोडं मागं सरकून पाहतात. जर ते तिथेच थांबले असते, तर मोठा अनर्थ घडला असता. काही सेकंदांच्या फरकाने ते मृत्यूच्या दाढेतून बचावल्याचे या व्हिडीओमध्ये स्पष्टपणे दिसत आहे.

सोशल मीडियावरील प्रतिक्रिया

हा व्हिडीओ सोशल मीडियावर (Social Media) प्रचंड व्हायरल झाला आहे. ghantaa नावाच्या इंस्टाग्राम अकाउंटवर हा व्हिडीओ पोस्ट करण्यात आला असून, त्याला आतापर्यंत 28 हजारांहून अधिक लाईक्स मिळाले आहेत आणि हजारो लोकांनी त्यावर प्रतिक्रिया दिल्या आहेत. अनेक यूजर्संनी त्या व्यक्तीचे नशीब किती बलवान आहे, यावर आश्चर्य व्यक्त केले आहे.

व्हिडिओ पाहिल्यानंतर एका युजरने कमेंट करताना म्हटले की, “अंकल एखाद्याच्या घरात डोकावून पाहत होते, देवाने त्यांना घाबरवून सोडले.” दुसऱ्या एका युजरने भावूक होत लिहिले, “जेव्हा मृत्यू तुम्हाला जगण्याची दुसरी संधी देतो.” आणखी एका युजरने गंमतीने लिहिले, “मला फक्त हे जाणून घ्यायचं आहे की, काका तिथे काय पाहत होते.” एका अन्य युजरने एका लोकप्रिय चित्रपटातील डायलॉग वापरत म्हटले आहे, “मृत्यूला स्पर्श करुन परत येणे, हे आता सत्य झाले.”

या घटनेतून घ्यावा धडा

हा व्हायरल व्हिडीओ केवळ एका व्यक्तीच्या नशिबाचा भाग नसून, तो आपल्या सर्वांसाठी एक महत्त्वाचा धडा आहे. अनेकदा आपण जीर्ण झालेल्या इमारती किंवा भिंतींच्या जवळून चालत असतो, पण त्यांच्या धोकादायक स्थितीकडे दुर्लक्ष करतो. ही घटना एक प्रकारे आपल्याला सतर्क करत आहे की, जुन्या आणि कमकुवत झालेल्या बांधकामापासून दूर राहणे किती महत्त्वाचे आहे.

सोशल मीडिया हे आता केवळ मनोरंजनाचे केंद्र राहिले नसून ते अशा गंभीर आणि विचार करायला लावणाऱ्या घटनांनाही लोकांपर्यंत पोहोचवत आहे. या घटनेतील व्यक्तीचे नशीब बलवान होते, पण प्रत्येक वेळी असे नसेल. त्यामुळे, आपल्या आजूबाजूच्या धोकादायक गोष्टींची जाणीव ठेवणे आणि योग्य ती खबरदारी घेणे आवश्यक आहे. या व्हिडीओने सर्वांनाच नशिबाची आणि आयुष्याची किंमत किती मौल्यवान आहे, याची आठवण करुन दिली आहे.