Mehbooba Mufti
Mehbooba Mufti Dainik Gomantak

Mehbooba Mufti: भाजपने काश्मिरचा अफगाणिस्तान केला; पॅलेस्टाईनची स्थिती आमच्यापेक्षा चांगली...

बुलडोझर कारवाईवरून माजी मुख्यमंत्री मेहबूबा मुफ्तींची टीका

Mehbooba Mufti: जम्मू आणि काश्मीरच्या माजी मुख्यमंत्री आणि पीपल्स डेमोक्रॅटिक पार्टी (पीडीपी) च्या नेत्या मेहबूबा मुफ्ती यांनी काश्मिरमधील बुलडोझर कारवाईवरून केंद्रातील भाजप सरकारवर जहरी टीका केली आहे.

बुलडोझरने घरे पाडून भाजपने काश्मिरचे अफगाणिस्तानात रूपांतर केले आहे. आमच्यापेक्षा पॅलेस्टाईनची स्थिती चांगली आहे, असेही त्यांनी म्हटले आहे.

Mehbooba Mufti
Turkey Earthquake: तुर्कीच्या भुगर्भात नेमकं चाललंय तरी काय? देश 10 फूट खचला...

जम्मू आणि काश्मिरमध्ये सुरू असलेल्या अतिक्रमणविरोधी मोहिमेवरून केंद्र सरकारवर निशाणा साधत मुफ्ती म्हणाल्या की, बुलडोझर कारवाईमुळे काश्मीर आज अफगाणिस्तानसारखा बनला आहे.

भाजपच्या राजवटीत जम्मू-काश्मीरची आर्थिक स्थिती बिघडली आहे. जम्मू आणि काश्मीर हे एकमेव राज्य किंवा केंद्रशासित प्रदेश आहे जेथील लोक कधीही रस्त्यावर झोपले नाहीत, जिथे लोक मोफत रेशनसाठी रांगेत उभे राहिले नाहीत.

पण भाजप सत्तेत आल्यापासून दारिद्र्यरेषेच्या वर असणारे नागरिकही आता दारिद्य्ररेषेखाली आले आहेत. भाजपला जम्मू-काश्मीरला पॅलेस्टाईन आणि अफगाणिस्तानसारखे बनवायचे आहे.

मुफ्ती म्हणाल्या, पॅलेस्टाईनची स्थिती अजूनही चांगली आहे. किमान लोक बोलतात. पण काश्मिरमध्ये ज्याप्रकारे लोकांची छोटी घरे पाडण्यासाठी बुलडोझरचा वापर केला जात आहे, त्यातून दिसते की काश्मीरची स्थिती अफगाणिस्तानपेक्षाही वाईट होत आहे. छोट्या लोकांच्या घरांवर बुलडोझर फिरवण्यात काय अर्थ आहे?

Mehbooba Mufti
Nagpur-Goa Highway: आधी साडेतीन शक्तीपीठांचे तीर्थाटन... मग गोव्यात पर्यटन...

मुफ्ती म्हणाल्या, जम्मू आणि काश्मीरचे लेफ्टनंट गव्हर्नर मनोज सिन्हा दावा करतात की अतिक्रमणविरोधी मोहिमेदरम्यान गरिबांच्या घरांना हात लावला जाणार नाही, परंतु त्यांचे आदेश कुणी ऐकत नाही. टिनशेडची घरेही पाडली जात आहेत.

भाजपच्या 'एक संविधान, एक संविधान, एक प्रधान' या घोषणेने 'एक देश, एक भाषा, एक धर्म' निर्माण केला आहे. भाजप संख्याबळाच्या जोरावर संविधानावरच बुलडोझर फिरवत आहे. कलम 370 रद्द केल्यापासून जे काही घडले आहे तो आमच्या ओळखीवर हल्ला आहे. अर्थव्यवस्था, नोकऱ्या, आमच्या जमिनींवर हल्ला आहे.

दरम्यान, मुफ्ती या अलीकडच्या काळात भाजपच्या पाठिंब्यावरच मुख्यमंत्री बनल्या होत्या. 2019 पुर्वी पीडीपी आणि भाजप हेच पक्ष सत्तेत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com