मथुरा श्रीकृष्ण जन्मभूमी वादाप्रकरणी गुरुवारी अलाहाबाद उच्च न्यायालयात सुनावणी झाली. यादरम्यान, उच्च न्यायालयाने मथुरा न्यायालयाला मूळ खटल्याशी संबंधित सर्व अर्ज लवकरात लवकर निकाली काढण्याचे निर्देश दिले. सर्व अर्ज जास्तीत जास्त 4 महिन्यांत निकाली काढण्याचे निर्देश उच्च न्यायालयाने दिले आहेत.
दरम्यान, सुन्नी वक्फ बोर्ड आणि इतर पक्षकार सुनावणीला उपस्थित न राहिल्यास एकतर्फी आदेश जारी करण्याचे निर्देश दिले होते. मनीष यादव यांच्या अर्जावर सुनावणी करताना अलाहाबाद उच्च न्यायालयाने (Allahabad High Court) हा निर्णय दिला. न्यायमूर्ती सलील कुमार राय यांच्या एकल खंडपीठात ही सुनावणी झाली.
तसेच, मथुरा न्यायालयात (Court) जन्मभूमी वादाशी संबंधित सर्व प्रकरणांची सुनावणी पूर्ण करुन त्यांचा लवकरात लवकर निपटारा करण्याची मागणी करणारा अर्ज दाखल करण्यात आला होता. या अर्जात मथुरेच्या न्यायालयात सुरु असलेल्या सर्व खटल्यांची एकत्रित सुनावणी करण्याची मागणीही करण्यात आली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
