Crocodile River Viral Video: सोशल मीडियावर दररोज नव-नवे व्हिडिओ व्हायरल होत असतात. सध्या असाच एक व्हिडिओ सोशल मीडियावर (Social Midea) तूफान व्हायरल होत आहे. हा व्हिडिओ पाहून तुमचेही मन हेलावून जाईल. व्हिडिओमध्ये, एक माणूस शेकडो मगरींनी भरलेल्या नदीत लाकडी होडीतून निर्भयपणे प्रवास करताना दिसत आहे. व्हिडिओ पाहिल्यानंतर हे दृश्य एखाद्या भयपटापेक्षा कमी वाटत नाही. पण हे वास्तव आहे, जे लोकांना धास्ती भरवत आहे.
व्हायरल व्हिडिओमध्ये एका नदीत जिथे शेकडो मगरी विहरताना दिसत आहेत. त्याचवेळी, एक माणूस नदीतील असंख्य मगरीतून वाट काढत होडी घेऊन जाताना दिसत आहे. व्हिडिओमधील सर्वात आश्चर्यकारक गोष्ट म्हणजे होडी चालवणारा माणूस हे भयानक दृश्य पाहूनही घाबरला नाही. तो होडीवर पॅडलिंग करत मगरीमधून वाट काढत प्रवास करत आहे. मगरींच्या गराड्यातून होडी नेत असताना त्याला कसलेही भय वाटत नाही. हे संपूर्ण दृश्य इतके भयानक आहे की, कोणालाही त्याची भिती वाटेल. मात्र व्हिडिओमधील माणसाचे धाडस आणि बेफिकीरपणा पाहून लोक थक्क झाले आहेत.
दरम्यान, हा व्हायरल व्हिडिओ @AMAZlNGNATURE नावाच्या अकाउंटवरुन X या सोशल साइटवर शेअर करण्यात आला आहे. ही बातमी लिहिण्याच्या वेळेपर्यंत, तो 5 लाखांहून अधिक लोकांनी पाहिला असून 7700 लोकांनी लाईक केला आहे. व्हिडिओच्या कॅप्शनमध्ये लिहिले की, "मला कोणी कितीही पैसे दिले तरी मी या नदीत कधीही होडीने जाणार नाही."
दुसरीकडे, या व्हायरल व्हिडिओवर लोकांनी मोठ्या प्रमाणात कमेंट केल्या आहेत. काहींनी त्या माणसाच्या धाडसाचे कौतुक केले, तर काहींनी त्याला मूर्ख म्हटले. एकाने कमेंट केली की, "या मगरी इतक्या शांत का आहेत? त्या काय खातात?" तर दुसऱ्याने लिहिले की, "हे धाडस नाही, हा वेडेपणा आहे. एक चूक आणि आयुष्य संपेल."
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.