मणिपूरचे नवे राज्यपाल म्हणून एल. गणेशन यांची राष्ट्रपतींनी केली नियुक्ती

भारतीय जनता पक्षाचे (BJP) नेते एल. गणेशन (L. Ganesan) यांची मणिपूरचे (Manipur) नवे राज्यपाल म्हणून नियुक्ती करण्यात आली आहे. माजी राज्यसभा खासदार एल. गणेशन यांनी भाजपमध्ये अनेक पदे भूषवली आहेत. 20 ऑगस्ट रोजी मणिपूरच्या माजी राज्यपाल नजमा हेपतुल्ला (Najma Heptullah) यांच्या सेवानिवृत्तीनंतर त्यांच्यावर ही जबाबदारी सोपवण्यात आली आहे. ते तामिळनाडू भाजप युनिटचे अध्यक्षही राहिले आहेत. राष्ट्रपती कार्यालयाने जारी केलेल्या प्रसिद्धी पत्रकानुसार, गणेशन यांची नियुक्ती त्यांनी पदभार स्वीकारल्याच्या तारखेपासून लागू होईल. गणेशन हे मणिपूरचे 17 वे राज्यपाल असतील. त्यांचा कार्यकाळ 5 वर्षांचा असेल.

मध्य प्रदेशातून राज्यसभा खासदार नजमा हेपतुल्ला यांची गणेशन यांनी घेतली होती. नजमा हेपतुल्ला प्रकृती स्वास्थामुळे निवृत्तीच्या काही दिवस आधी रजेवर गेल्या होत्या. त्यानंतर सिक्कीमचे राज्यपाल गंगा प्रसाद यांना मणिपूरचा अतिरिक्त कार्यभार देण्यात आला. नजमा हेपतुल्ला ऑगस्ट 2016 मध्ये मणिपूरच्या राज्यपाल झाल्या.