कर्नाटक : गोव्यात सध्या निवडणुकीचे वारे वाहत आहे. आणि अशातच कर्नाटकचे मुख्यमंत्री बसवराज बोम्मई यांनी गोव्यात कन्नड भवन उभारण्यासाठी ₹ 10 कोटी रुपयांचा निधी जाहीर केला आहे. गोव्यातील अखिल गोवा कन्नड महासंघाच्या शिष्टमंडळाने कर्नाटकचे मुख्यमंत्री बोम्मई यांची त्यांच्या बंगळूरमधील ‘कृष्णा’ निवासस्थानी भेट घेतली.
भाजपचे राष्ट्रीय सरचिटणीस आणि आमदार सी. टी. रवी यांच्या अध्यक्षतेखालील शिष्टमंडळाने आपल्या मागण्या मुख्यमंत्र्यांसमोर मांडल्या. उत्तर कर्नाटकमधील नागरिक मोठ्या प्रमाणावर गोव्यात स्थायिक झाले आहेत. जे गोव्यात कन्नड भाषा आणि संस्कृतीचे संवर्धन करत आहेत, कन्नड लोकांच्या हितासाठी गोव्यात कन्नड भवन बांधण्यासाठी सरकार कटिबद्ध आहे. असेही त्यांनी मुख्यमंत्र्यांशी चर्चा करतांना निदर्शनास आणून दिले.
मुख्यमंत्री कार्यालयाने जारी केलेल्या निवेदनानुसार, बोम्मई यांनी गोव्यातील कन्नड भवनाच्या बांधकामासाठी जमीन शोधण्याचा अहवाल आणि त्याची तपशीलवार माहिती तयार करण्याचे निर्देश दिले आहेत. अखिल गोवा कन्नड महासंघाचे अध्यक्ष सिद्धन्ना मेटी आणि इतर पदाधिकाऱ्यांनीही मुख्यमंत्र्यांच्या या घोषणेचे कौतुक केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
