झारखंडमध्येही काँग्रेसवर संकट, आमदार मंत्र्यांवर नाराज

झारखंडच्या आघाडी सरकारमध्ये समाविष्ट असलेल्या काँग्रेसमध्ये आता अंतर्गत कलह निर्माण झाला आहे. पक्षाच्या किमान 4 आमदारांनी माजी राष्ट्रीय अध्यक्ष राहुल गांधी यांना भेटण्यासाठी वेळ मागितल्याचे वृत्त आहे. सरकारमधील चार काँग्रेस मंत्र्यांवर काम होत नसल्याचा आरोप पक्षाचे नेते करत आहेत. अलीकडेच काँग्रेसने दिल्लीत एक बैठक आयोजित केली होती, ज्यामध्ये झारखंडच्या (Jharkhand) प्रदेशाध्यक्षांसह अनेक बड्या नेत्यांना बोलावण्यात आले होते.

वृत्तानुसार, जामतारा आमदार इरफान अन्सारी यांच्या नेतृत्वाखाली किमान चार आमदार राहुल गांधींना (Rahul Gandhi) भेटण्याची तयारी करत आहेत. अन्सारींच्या म्हणण्यानुसार, ते पक्षाच्या आणखी पाच आमदारांच्या संपर्कात आहेत जे त्यांच्यासोबत दिल्लीतील बैठकीला उपस्थित राहतील. आमदार उमाशंकर अकेला, नमन विक्सल कोंगारी, राजेश कछाप आणि इरफान अन्सारी यांच्या बैठकीत हा निर्णय घेण्यात आला.

वृत्तानुसार, अन्सारी यांनी आरोप केला आहे की, राज्याच्या मंत्र्यांकडून त्यांना बाजूला केले जात आहे आणि ते त्यांना भेटायलाही तयार नाहीत. आघाडी सरकारमध्ये (government) काँग्रेसचे चार मंत्री काम करण्यात अपयशी ठरले आहेत, त्यामुळे तरुण नेत्यांना संधी द्यावी, असेही ते म्हणाले. यावेळी त्यांनी पक्षाच्या प्रदेश नेतृत्वावरही जोरदार निशाणा साधला.

जनतेने नाकारलेल्या नेत्यांना पक्षाने मंत्रिपदासाठी निवडले, असा आरोप अन्सारी यांनी केला. ते म्हणाले, "काँग्रेस (Congress) कोट्यातील चारही मंत्री काम करण्यात अपयशी ठरले आहेत कारण लोक त्यांच्यावर खूश नाहीत आणि त्यामुळे पक्षाच्या तरुण नेत्यांना संधी दिली पाहिजे," असे ते म्हणाले.