गाझियाबादच्या सिहानी गेट परिसरात असलेल्या बँकेत गैरव्यवहाराचे अनोखे प्रकरण समोर आले आहे. बँकेच्या लॉकरमध्ये ठेवलेल्या सुमारे 65 लाखांच्या दागिन्यांवर कोणीतरी हात साफ केला आहे. याबाबत बँक कर्मचाऱ्यांवर गुन्हा दाखल करण्यात आला आहे.
अशोक नगर येथील रहिवासी असलेल्या प्रियंका गुप्ता यांचे सिहानी गेट पोलीस ठाण्याच्या नेहरू नगर भागातील बँकेत (Bank) गेल्या 20 वर्षांपासून खाते आहे. प्रियंका गुप्ता यांनी त्यांचे दागिने या बँकेच्या लॉकरमध्ये ठेवले होते. दागिन्यांची किंमत सुमारे 65 लाख रुपये होती. प्रियांका यांनी 2019 नंतर लॉकर उघडले नव्हते. पुढे डिसेंबर 2021 मध्ये लॉकर उघडण्यासाठी त्यांनी बँकेशी संपर्क साधला असता लॉकरची चावी सापडत नसल्याचे बँकेकडून सांगण्यात आले.
प्रियंका गुप्ता यांनी बँकेशी सलग दोन-तीन वेळा संपर्क साधूनही त्यांच्या समस्येचे निवारण झाले नाही. त्यांनी अखेर लॉकर फोडण्याचा निर्णय घेतला. बँक कर्मचाऱ्यांच्या उपस्थितीत हे लॉकर फोडण्यात आले. लॉकरमध्ये ठेवलेल्या त्यांच्या मौल्यवान वस्तू गायब होत्या.
पिवळ्या कापडात गुंडाळलेल्या काही वस्तू सोडल्यास लॉकरमध्ये काहीही नव्हते. लॉकरमध्ये ठेवलेले सुमारे 65 लाख रुपयांचे दागिने गायब झाले होते. प्रियंका गुप्ता यांनी याबाबत गाझियाबादमधील सिहानी गेट पोलिस (Police) ठाण्यात तक्रार दाखल केली आहे. आम्ही गुन्हा दाखल केला असून कारवाई सुरू असल्याचे पोलिसांचे म्हणणे आहे. 2019 पासून या शाखेत तैनात असलेल्या कर्मचाऱ्यांवर पोलिसांनी गुन्हा दाखल केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
