आयएनएस विक्रांत लवकरच नौदलाच्या ताफ्यात दाखल होणार

भारतीय नौदलासाठी आणि भारतीयांसाठी आनंदाची बातमी म्हणजे विक्रांत (Vikrant) ही विमानवाहू युद्धनौका लवकरच नौदलाच्या सेवेमध्ये दाखल होणार आहे. आत्मनिर्भर भारत योजनेअंतर्गत निर्माण होणारी ही संपूर्णतः भारतीय बनावटीची युद्धनौका असून तिच्या ट्रायल्स आज घेण्यात आल्या. केरळ येथील कोचीन शिपयार्ड (Cochin Shipyard) मध्ये ही युद्धनौका बनवण्यात येत असून अन्य ट्रायल्स संपल्यानंतर ती नौदलामध्ये दाखल होईल.

भारतीय नौदलाकडे आयएनएस विक्रांत (INS Vikrant) होती. 1960 साली ब्रिटनकडून ती घेण्यात आली होती तर 1990 ला तिला निरोप देण्यात आला होता. नौदलाच्या परंपरेनुसार नवीन युद्धनौकेचे नावही विक्रांत ठेवण्यात आले आहे. ही ही युद्धनौका सर्व प्रकारच्या लढाऊ विमानांच्या टेक ऑफ आणि लँडिंग साठी उपयुक्त अशी असेल. आणि ती भारतीय सागरी हद्दीमध्ये तैनात असेल.