IND vs ENG: टी-20 विश्‍वकरंडकाची रंगीत तालीम आजपासून, महिला संघ इंग्लंड संघाशी लढणार

IND VS ENG T-20: इंग्लंडमध्ये पुढील वर्षी (२०२६) महिलांच्या टी-२० विश्‍वकरंडकाचे आयोजन करण्यात येणार आहे. या प्रतिष्ठेच्या स्पर्धेची रंगीत तालीम उद्यापासून (ता. २७) सुरू होणार आहे.
IND vs ENG
IND vs ENGDainik Gomantak
Published on
Updated on

नॉटिंगहॅम : इंग्लंडमध्ये पुढील वर्षी (२०२६) महिलांच्या टी-२० विश्‍वकरंडकाचे आयोजन करण्यात येणार आहे. आता भारतीय महिला क्रिकेट संघासमोर इंग्लंडचे आव्हान असणार आहे. या दोन देशांमध्ये पाच सामन्यांच्या टी-२० मालिकेचा थरार रंगणार आहे. यापैकी पहिला सामना नॉटिंगहॅम येथे पार पडणार आहे.

टी-२० विश्‍वकरंडकाला अद्याप वर्षभराचा अवधी आहे, पण भारत व इंग्लंड या दोन्ही संघांना पाच सामन्यांच्या मालिकेपासून तयारी करता येणार आहे. शेफाली वर्मा हिचे भारतीय महिला संघात पुनरागमन झाले आहे.

तसेच क्रांती गौड, श्री चरणी व सायली सातघरे या नव्या चेहऱ्यांनाही संधी देण्यात आली आहे. शेफाली वर्मा व स्मृती मानधना यांच्या खांद्यावर सलामी फलंदाजीची जबाबदारी असणार आहे. उमा छेत्रीला आपला ठसा उमटवावा लागणार आहे.

IND vs ENG
Goa Education: 10वीच्या विद्यार्थ्यांसाठी मोठी बातमी! गोव्यात एकाच टप्प्यात होणार परीक्षा

स्नेह, अमनज्योतकडून आशा

स्नेह राणा व अमनज्योत कौर या दोन अष्टपैलू खेळाडूंचेही भारतीय महिला संघात पुनरागमन झाले आहे. त्यामुळे या दोन्ही खेळाडूंच्या कामगिरीकडे लक्ष असणार आहे. रेणूका सिंग व पूजा वस्त्रकार या वेगवान गोलंदाजांना दुखापत झाली आहे. त्यामुळे या मालिकेत दोनही खेळाडूंची अनुपस्थिती असणार आहे. भारतीय संघात संधी मिळालेल्या युवा खेळाडूंना इंग्लंडविरुद्धच्या मालिकेत चमक दाखवावी लागणार आहे.

भारतीय महिला संघाची फलंदाजीची मदार अनुभवी खेळाडूंवर असणार आहे. कर्णधार हरमनप्रीत कौर, स्मृती मानधना, शेफाली वर्मा, जेमिमा रॉड्रिग्ज, रिचा घोष या खेळाडूंना फलंदाजीत प्रतिस्पर्धी संघातील गोलंदाजांवर वर्चस्व दाखवावे लागणार आहे.

IND vs ENG
Goa: गोमंतकीयांनो सावधान..! माशांचे अतिसेवन किडनीला ठरू शकते मारक, संशोधनात धक्कादायक माहिती उघड

प्रतिस्पर्ध्याचे आव्हान

भारतीय संघासमोर इंग्लंडसारखा बलाढ्य प्रतिस्पर्धी आहे. इंग्लंडच्या संघात अनुभवी खेळाडूंचा भरणा आहे. ॲमी जोन्स, टॅमी ब्यूमोंट, डॅनी वॅट, सोफी एक्लेस्टोन या अनुभवी खेळाडूंमुळे इंग्लंड संघाचे पारडे जड आहे. इंग्लंडच्या संघात युवा खेळाडूंनाही संधी देण्यात आली आहे. इसी वोंग, एलिस कॅपसी व सोफिया डंकली या युवा खेळाडूंची कामगिरी कशी होते, याकडेही लक्ष असणार आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com