India vs Pakistan: भारताचा पाकिस्तानवर एकतर्फी विजय! विराट कोहलीसह 'हे' खेळाडू ठरले विजयाचे शिल्पकार

Champions Trophy 2025: भारत आणि पाकिस्तान यांच्यातील सामना २३ फेब्रुवारी रोजी दुबई येथे खेळवण्यात आला.
India vs Pakistan
India vs PakistanDainik Gomantak
Published on
Updated on

Champions Trophy 2025 IND vs PAK

भारत आणि पाकिस्तान यांच्यातील सामना २३ फेब्रुवारी रोजी दुबई येथे खेळवण्यात आला. भारतीय संघाने पाकिस्तानला ६ विकेट्सने हरवून उपांत्य फेरीतील आपले स्थान जवळजवळ निश्चित केले आहे. या सामन्यात विराट कोहली आणि शुभमन गिल व्यतिरिक्त कुलदीप यादवनेही शानदार कामगिरी केली.

३४२ धावांच्या सोप्या लक्ष्याचा पाठलाग करताना भारतीय संघाची सुरुवात चांगली झाली. रोहितने २० धावांचे योगदान दिले. तर शुभमन गिलने ४६ धावांचे योगदान दिले. याशिवाय श्रेयस अय्यर आणि विराट कोहली यांनीही चांगला खेळ केला. अय्यरने अर्धशतकी खेळी केली. अय्यरने ६७ चेंडूत ५६ धावा केल्या, ज्यात ५ चौकार आणि १ षटकार होता.

विराट कोहलीने या सामन्यात दमदार शतक झळकावून पाकिस्तानला पराभवाची चव चाखायला लावली. कोहलीने १११ चेंडूत नाबाद १०० धावा करत पाकिस्तानचा पराभव केला. यादरम्यान किंग कोहलीने ७ चौकार मारले.

India vs Pakistan
Goa Education: 'सहाय्यक प्राध्यापक बनायचंय? तयारीला लागा'; पुणे विद्यापीठाकडून 'SET' परीक्षेच्या तारखा जाहीर

कोहली हा एकदिवसीय विश्वचषक आणि चॅम्पियन्स ट्रॉफीमध्ये पाकिस्तानविरुद्ध शतके करणारा पहिला भारतीय खेळाडू ठरला. याशिवाय, त्याने या सामन्यात आपले १४,०० एकदिवसीय धावा पूर्ण केले.

भारताला विजय मिळवून देण्यात विराट कोहलीसह श्रेयस अय्यर, कुलदीप यादव यांनी मोलाची भूमिका बजावली. यासह आणखी काही खेळाडू होते, ज्यांनी हा विजय मिळवून देण्यात महत्वाची भूमिका बजावली. कोण आहेत भारतीय संघाच्या विजयाचे हिरो? जाणून घ्या.

India vs Pakistan
Goa History: ..आणि पोर्तुगिज व्हॉइसरॉय थोडक्यात बचावला! छत्रपती संभाजी महाराजांची गोव्यातील पराक्रमाची गोष्ट

'हे' खेळाडू ठरले विजयाचे शिल्पकार

फलंदाजीत विराट कोहलीनं दमदार फलंदाजी करत शानदार शतक ठोकलं. श्रेयस अय्यरनं ५६ धावा करत दमदार फलंदाजी केली. तर युवा शुभमन गिलनं ४६ धावांचं योगदान दिलं.

गोलंदाजीत भारताकडून कुलदीप यादवने सर्वाधिक ३ विकेट्स घेतल्या. त्याच्याशिवाय हार्दिक पंड्याने २ विकेट्स घेतल्या, ज्यामध्ये बाबर आझमचा विकेटचा समावेश होता. हर्षित राणा, अक्षर आणि जडेजा यांनी प्रत्येकी एक विकेट घेतली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com