Bihar: 12 जिल्ह्यांमध्ये ट्विटरसह 22 अ‍ॅपवर तीन दिवसांसाठी बंदी

Agnipath Agnivir Scheme Protests: बिहारमध्ये 18 जून रोजी होणाऱ्या बंदपूर्वी, राज्य सरकारने 12 जिल्ह्यांमध्ये इंटरनेटवर अंकुश ठेवत पुढील तीन दिवस फेसबुक, ट्विटर, व्हॉट्सअ‍ॅपसह 22 साइट्स आणि अ‍ॅप्सवर बंदी घातली आहे. (In Bihar the state government has banned 22 sites and apps including Facebook Twitter and WhatsApp in 12 districts for three day)

दरम्यान, यूट्यूबवर व्हिडिओ अपलोड करणेही बंद करण्यात आले आहे. गृह विभागाचे अतिरिक्त मुख्य सचिव चैतन्य प्रसाद यांनी इंटरनेटद्वारे (Internet) संदेशांचे व्यवहार थांबवण्यासाठी हा आदेश जारी केला आहे.

तसेच, ही बंदी लागू होणार्‍या जिल्ह्यांमध्ये कैमूर, भोजपूर, औरंगाबाद (Aurangabad), रोहतास, बक्सर, नवादा, पश्चिम चंपारण, समस्तीपूर, लखीसराय, बेगुसराय, वैशाली आणि सारण जिल्ह्यांचा समावेश आहे.

दुसरीकडे, बिहारमध्ये (Bihar) अग्निपथ योजनेला विरोध होत असतानाच, आंदोलकांनी विक्रमशिला ट्रेनची नासधूस केली. माचिस घेऊन चोरटे स्टेशनवर पोहोचले. काही विद्यार्थ्यांनी स्टेशनच्या प्लॅटफॉर्म क्रमांक दोनजवळील एका दुकानातून माचिस खरेदी करुन पहिल्यांदा एसी थर्ड टायरची शीट आणि त्यात ठेवलेली चादर-उशी पेटवली. एसी बोगीमुळे आग झपाट्याने पेटली आणि एकामागून एक विक्रमशिलाचे 23 डबे जळून खाक झाले.