Agnipath Scheme Protest: केंद्र सरकारच्या तिन्ही सैन्य दलात भरतीसाठी सुरु करण्यात आलेल्या 'अग्निपथ योजने'विरोधात देशभरात विरोध होत आहे. दरम्यान, तेलंगणातील सिकंदराबाद येथे निदर्शनादरम्यान पोलिसांनी केलेल्या गोळीबारात एका तरुणाचा मृत्यू झाल्याची बातमी समोर आली आहे. त्यात 3 जण जखमी झाले.
लोक सकाळपासून आंदोलन करत होते
मिळालेल्या माहितीनुसार, सकाळपासूनच तेलंगणातील (Telangana) सिकंदराबाद रेल्वे स्थानकावर मोठ्या संख्येने तरुण पोहोचले होते. ते स्थानकावर अग्निपथ योजनेला विरोध करत होते. यादरम्यान काही आंदोलकांनी स्थानकात उभ्या असलेल्या ट्रेनला आग लावली. निदर्शनादरम्यान लोकांनी पोलिसांवर (Police) दगडफेकही केली. यानंतर परिस्थिती नियंत्रणात आणण्यासाठी पोलिसांना गोळीबार करावा लागला. पोलिसांनी केलेल्या गोळीबारात एकाचा मृत्यू झाला, तर तीन जण जखमी झाले.
बिहारमधील 5 रेल्वे स्थानके बंद
देशभरात सुरु असलेल्या आंदोलनामुळे आज 17 जून रोजी अनेक रेल्वे गाड्यांवर परिणाम झाला आहे. बहुतांश गाड्या पूर्व मध्य रेल्वेच्या अधिकारक्षेत्रातील आहेत. त्याचबरोबर बिहारमधील (Bihar) 5 रेल्वे स्थानके बंद करण्यात आली आहेत. दिल्ली-कोलकाता मार्गावर बिहारची 5 स्थानके बंद करण्यात आली आहेत.
सरकारने वयोमर्यादा वाढवली
सरकारने अग्निपथ योजनेच्या पहिल्या बॅचसाठी वयोमर्यादेत बदल केला आहे. अग्निपथ योजनेतील वयोमर्यादा 21 वर्षांवरुन 23 वर्षे करण्यात आली आहे. 2 वर्षांपासून कोरोना निर्बंधांमुळे भरती न झाल्यामुळे वयोमर्यादा वाढवण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
