![Monsoon Season 2024](http://media.assettype.com/dainikgomantak%2F2023-06%2F10b17f96-7ede-4233-a2fc-3ac5b6c70baf%2Fgoa_monsoon_update.png?rect=0%2C0%2C1200%2C675&w=480&auto=format%2Ccompress&fit=max)
भारतीय हवामान विभागाने यंदा सरासरीपेक्षा जास्त पावसाचा अंदाज वर्तवला आहे. येत्या मान्सूनमध्ये सरासरीपेक्षा सहा टक्के जास्त म्हणजे 106 टक्के पावसाची नोंद होईल. देशात 87 सेंटीमीटर पाऊस पडेल, असा अंदाज आयएमडीने वर्तवला आहे.
भारतीय हवामान विभागाच्या अंदाजानुसार, अल निनोचा प्रभाव मान्सूनआधी कमी होणार आहे. कवकुवत ला निनाची परिस्थिती निर्माण होईल. याचा फायदा चांगल्या मान्सूनसाठी होईल. 08 जूनपर्यंत मान्सून येण्याची स्थिती आहे.
अल निनोची स्थिती सध्या साधारण आहे. पावसाळा सुरू झाल्यावर अल निनोचा प्रभाव संपलेला असेल. भारतातील शेती प्रामुख्याने पावसाच्या पाण्यावर अवलंबून असते. चांगल्या पावसाच्या अभावामुळे शेतकऱ्यांचे हाल होतात.
शिवाय, पिण्याचा-सांडपाण्याचा प्रश्न देखील सध्या गंभीर बनला आहे. अनेक धरणे कोरडी पडली आहेत. अनेक धरणांमध्ये काही दिवस पुरेल इतका पाणीसाठी शिल्लक आहे. त्यामुळे चांगल्या पावसाच्या अंदाजामुळे जनतेला दिलासा मिळाला आहे.
चांगल्या पावसामुळे अर्थव्यवस्थेला देखील चालना मिळते. त्यामुळे मान्सूनकडून अनेकांना अपेक्षा असतात.
आयएमडीच्या विश्लेषणानुसार, 1974 आणि 2,000 या केवळ दोन वर्षांमध्ये सरासरीपेक्षा कमी पावसाची नोंद झाली होती. पृथ्वी विज्ञान मंत्रालयाचे सचिव एम. रवीचंद्रन म्हणाले की, उत्तर गोलार्धात बर्फाचे प्रमाण सरासरीपेक्षा कमी असेल.
याच कारणामुळे दक्षिणपश्चिम भागात मान्सूनच्या काळातील पावसाचे प्रमाण सरासरी पेक्षा जास्त असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.