Delhi Crime News: देशाची राजधानी दिल्लीतून एक धक्कादायक प्रकार समोर आला आहे. पती रात्री पॉर्न स्टारसारखे कपडे घालण्यास भाग पाडत असल्याने पत्नीने पोलीस ठाणे गाठले.
याबाबत 30 वर्षीय पत्नीने पतीविरुद्ध पोलिसांत तक्रार दाखल केली आहे. पतीला पॉर्न फिल्म पाहण्याचे व्यसन होते, असेही पत्नीने पोलिसांना सांगितले. याबाबत पती तिला पॉर्न स्टार सारखे कपडे घालण्यास सांगतो आणि छळ करतो.
दरम्यान, पती-पत्नीमधील हे प्रकरण दिल्लीच्या पूर्व रोहताश नगर भागातील आहे. पोलिसांनी बुधवारी सांगितले की, दोघांनी 2020 मध्ये लग्न केले. पोलिसांनी पुढे सांगितले की, महिलेने पती आणि त्याच्या कुटुंबावर हुंडा मागितल्याचा आरोपही केला आहे.
यासोबतच तिचा पती तिचा मानसिक आणि शारीरिक छळ करत असल्याचे महिलेने (Women) पोलिसात दिलेल्या तक्रारीत म्हटले आहे.
या प्रकरणाची अधिक माहिती देताना शाहदराचे उपायुक्त रोहित मीना यांनी सांगितले की, पोलिसांनी पती आणि त्याच्या कुटुंबाविरुद्ध कलम 498A, 406, 377 आणि 34 अंतर्गत गुन्हा दाखल केला आहे. या सर्व आरोपांचा तपास पोलिसांनी सुरु केला आहे.
दुसरीकडे, दिल्लीतील (Delhi) सराई रोहिल्ला परिसरात तरुणाची बेदम मारहाण करुन मृतदेह झाडीत फेकून देण्यात आला. पोलिसांनी मृतदेह झाडीतून ताब्यात घेतला आहे. मृतदेहाची ओळख अद्याप पटली नसल्याचे पोलिसांनी सांगितले. पोलिसांनी गुन्हा दाखल केला आहे. त्याचवेळी पोलीस अज्ञात लोकांविरुद्ध खुनाचा तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.