चार किलो हेरॉईन, 3 लाख रुपये किमतीचे ड्रग मनी आणि 12 जणांना अटक… अमृतसर पोलिसांकडून मोठ्या नेटवर्कचा पर्दाफाश

Amritsar Police: हेरॉईन तस्करीच्या प्रकरणात पंजाब पोलिसांनी मोठी कारवाई केली आहे. अमृतसर पोलिसांनी 4 किलो हेरॉईन आणि 3 लाख रुपये किमतीचे ड्रग मनी जप्त केले आहे.
Arrested
ArrestedDainik Gomantak

Amritsar Police: हेरॉईन तस्करीच्या प्रकरणात अमृतसर पोलिसांनी मोठी कारवाई केली आहे. अमृतसर पोलिसांनी 4 किलो हेरॉईन आणि 3 लाख रुपये किमतीचे ड्रग मनी जप्त केले आहे. यासोबतच 12 जणांना अटक करण्यात आली आहे. जप्त करण्यात आलेल्या हेरॉईनची किंमत 28 कोटी रुपये असल्याचे सांगण्यात येत आहे. या कारवाईमुळे सीमेपलीकडून सुरु असलेल्या तस्करीला मोठा फटका बसला आहे. हे रॅकेट पंजाबमधील तरनतारन जिल्ह्यात ड्रग्स पोहोचवण्यासाठी ड्रोनचा वापर करत असे. हे ड्रग्ज सीमेपलीकडून पाकिस्तानातून यायचे.

तपासादरम्यान हे संपूर्ण नेटवर्क मलेशियातून चालवले जात असल्याचे समोर आले. हे सर्व फक्त मॉड्यूल आहेत. दोन्ही आरोपींना अटक केल्यानंतर पोलिसांनी पुढील कारवाई सुरु केली आहे. पोलिसांनी सांगितले की, आतापर्यंत दोन आरोपींची ओळख पटली आहे. दोन्ही आरोपी तरनतारनमधील असल्याची माहिती समोर आली आहे.

Arrested
यूट्यूबची देशात मोठी कारवाई, प्लॅटफॉर्मवरुन हटवले 22 लाखांहून अधिक व्हिडिओ; 2 कोटी चॅनलवरही बंदी

मलेशियामध्ये बसलेला ‘मास्टरमाइंड’

दरम्यान, हे रॅकेट मलेशियामध्ये बसलेले टॉप स्मगलर्स चालवत असल्याचे पोलिसांनी सांगितले. 2019 मध्ये एकदा अटारी सीमेवरील आंतरराष्ट्रीय चेक पोस्टवर 532 किलो हेरॉईनची मोठी खेप पकडण्यात आली होती. पाकिस्तानी हँडलर आणि किंगपिन सराय अमानत खानच्या सांगण्यावरुन रणजित सिंह उर्फ ​​चित्ता याने त्याचे नेतृत्व केले होते.

नेटवर्कचा पर्दाफाश

दुसरीकडे, पुढील कारवाई सुरु केल्याचे पोलिसांनी सांगितले. अटक करण्यात आलेल्या सर्व आरोपींची ओळख पटली आहे. आकाशदीप सिंग उर्फ ​​आकाश आणि कुलदीप सिंग उर्फ ​​गोरा. पोलीस तपासात हे आरोपी तरनतारनचे रहिवासी असल्याचे समोर आले. मात्र ते दुसऱ्या जिल्ह्यात रुम करुन राहत होते. तेथून ते हे संपूर्ण नेटवर्क चालवत होते. पाकिस्तानातून येणारा माल ते त्याच ठिकाणी ठेवायचे. अंमली पदार्थ जप्ती आणि अटकेसाठी पुढील तपास सुरु असल्याचे पोलिसांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com