Murtaza Abbasi Death Sentence: गोरखपूरच्या गोरखनाथ मंदिरावर हल्ला करणाऱ्या मुर्तझा अब्बासी याला राष्ट्रीय तपास यंत्रणा (NIA) न्यायालयाने फाशीची शिक्षा सुनावली आहे. विशेष न्यायाधीश विवेकानंद शरण त्रिपाठी यांनी ही फाशीची शिक्षा सुनावली आहे.
यासोबतच न्यायालयाने त्याला 44 हजार रुपयांचा दंडही ठोठावला आहे. मुर्तझाने एप्रिल 2022 मध्ये गोरखनाथ मंदिरावर हल्ला करुन पीएसी जवानांना लक्ष्य केले होते. त्यानंतर त्याच्यावर UAPA अंतर्गत गुन्हा नोंदवून त्याला दहशतवादी ठरवण्यात आले.
विनय कुमार मिश्रा यांनी या संदर्भात गोरखनाथ पोलिस ठाण्यात 4 एप्रिल 2022 रोजी एफआयआर दाखल केला होता.
एनआयए कोर्टाने मुर्तझा अब्बासीला (Murtaza Abbasi) दोषी ठरवलेल्या शिक्षेच्या प्रश्नावर सुनावणी घेतल्यानंतर, देशाविरुद्ध युद्ध पुकारणे, बेकायदेशीर कृत्ये, धार्मिक उन्माद पसरवणे, प्रतिबंधित ठिकाणी प्रवेश करणे, खुनी हल्ला अशा कलम 16, 20 आणि 40 व्यतिरिक्त इतर प्रकरणांमध्ये शिक्षा जाहीर केली आहे. सरकारी कामात अडथळा आणणे, सरकारी कर्तव्यावर असलेल्या कर्मचाऱ्यांना (Employees) गंभीर दुखापत करणे, लूटमार करणे यासह.
3 एप्रिल रोजी गोरखनाथ मंदिराबाहेर झालेल्या हल्ल्यातील मुख्य आरोपी अब्बास अली मुर्तुजा याला अटक करण्यात आली होती. त्याच्या हालचाली पाहता, इतर तपास यंत्रणांच्या सहकार्याने तपास यूपी एटीएसकडे वर्ग करण्यात आला होता. दहशतवादी मुर्तुझा हा इसिसचा भाग होता. मुर्तझा हा ISIS चा दहशतवादी (Terrorist) फंडिंगचा मास्टर होता.
मुर्तझा अब्बासी हा आयआयटी बॉम्बेचा माजी विद्यार्थी राहिला आहे, त्यामुळे त्याला भरपूर तांत्रिक ज्ञान होते. मुर्तजाने 2015 मध्ये आयआयटी बॉम्बेमधून केमिकल इंजिनिअरिंगची पदवी घेतली. सीरियाच्या कॅम्प अलहोलमध्ये त्याचा संपर्क होता. यूपी एटीएस आणि यूपी एटीएस प्रोसिक्युशनच्या प्रभावी लॉबिंगचा परिणाम असा झाला की, मुर्तुजाला 121 आणि यूएपीएच्या अनेक कलमांखाली फाशीची शिक्षा सुनावण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
