Google Fraud Alert: बँकिंग फ्रॉड वाढतोय! 'या' 9 अ‍ॅप्समुळे होऊ शकते मोठी आर्थिक फसवणूक, आजच डिलीट करा

Google Fraud Alert Play Store Fraudulent Apps

गेल्या काही वर्षांत सायबर गुन्ह्यांच्या घटनांमध्ये लक्षणीय वाढ झाली आहे. हे रोखण्यासाठी सरकार तसेच टेक कंपन्यांकडून विविध मार्गदर्शक तत्त्वे जारी केली जातात. प्रत्येकाने याबद्दल माहिती असणे महत्वाचे आहे, निष्काळजीपणा केल्यास वैयक्तिक माहिती लीक होऊ शकते. बँक खाते देखील रिकामे होऊ शकते. सायबर गुन्हेगार लोकांना फसवण्यासाठी वेगवेगळ्या पद्धती अवलंबतात. एका संशोधनात काही धोकादायक अ‍ॅप्स उघड झाले आहेत जे मोबाईल फोन वापरकर्त्यांसाठी धोक्यापेक्षा कमी नाहीत.

सायबर रिसर्च अँड इंटेलिजेंस लॅब्स (CRIL) ने त्यांच्या अलीकडील संशोधनातून सुमारे २० मोबाईल अ‍ॅप्सवर संशय व्यक्त केला आहे. या अ‍ॅप्सवर वापरकर्त्यांचा वैयक्तिक डेटा चोरी करण्याचा गंभीर आरोप आहे. संशोधनानुसार, हे अ‍ॅप्स वापरकर्त्यांच्या फोनमधील माहिती आणि गोपनीय डेटाची चोरी करत आहेत, ज्यामुळे वापरकर्त्यांची ऑनलाइन सुरक्षितता आणि गोपनीयता मोठ्या धोक्यात येत आहे.

सायबर रिसर्च अँड इंटेलिजेंस लॅब्सच्या संशोधनानुसार, असे २० अ‍ॅप्स आहेत जे वापरकर्त्यांच्या वैयक्तिक डेटा आणि गोपनीयतेसाठी धोकादायक आहेत. या अ‍ॅप्समध्ये दुर्भावनापूर्ण क्रिप्टोकरन्सी वॉलेट अ‍ॅप्सचा समावेश आहे. हे सर्व सक्रिय फिशिंग घोटाळ्यांचा भाग आहेत आणि लोकांचा डेटा चोरत आहेत. हे बँक खात्यांसाठी देखील धोकादायक ठरू शकतात.

हे ९ अ‍ॅप्स ताबडतोब अनइंस्टॉल करा

1. Suiet Wallet

2. Hyperliquid

3. Pancake Swap

4. Meteora Exchange

5. OpenOcean Exchange

6. Harvest Finance blog

7. BullX Crypto

8. SushiSwap

9. Raydium

वापरकर्त्यांसाठी किती धोकादायक?

नवीन संशोधनात असे समोर आले आहे की, काही फोन अ‍ॅप्स वापरकर्त्यांकडून १२ इंग्रजी शब्दांची नोंदणी करण्यास सांगतात, जे क्रिप्टो वॉलेट पुनर्प्राप्तीसाठी वापरले जातात. या शब्दांची मदत घेत हॅकर्स वापरकर्त्यांच्या क्रिप्टो वॉलेटमध्ये सहज प्रवेश करू शकतात, ज्यामुळे आर्थिक नुकसान होण्याचा धोका निर्माण होतो.विशेष म्हणजे, हॅकर्स सहसा व्हिडिओ टूल्स, गेमिंग अ‍ॅप्स किंवा इतर मनोरंजक अ‍ॅप्सद्वारे फोनमध्ये प्रवेश मिळवण्याचा प्रयत्न करतात. या अ‍ॅप्सच्या गोपनीयता धोरणांत URL लपवलेले असते, जे वापरकर्त्यांना दिसत नाही, पण ते डाउनलोड करताच हॅकर्स त्यांच्या खात्यात घुसखोरी करतात.

नागरिकांनी सतर्क राहणे अत्यंत गरजेचे आहे. जर तुमच्या फोनमध्ये असे संशयास्पद अ‍ॅप्स असतील तर तात्काळ त्यांना हटवावे. तसेच, अनोळखी किंवा संशयास्पद लिंकवर क्लिक करू नका आणि भविष्यात अशा लिंकद्वारे कोणतेही अ‍ॅप डाउनलोड करणे टाळा. सुरक्षिततेसाठी नियमितपणे फोन आणि अ‍ॅप्सची तपासणी करणे महत्त्वाचे आहे.