Gold Price Today: दिवाळीची धामधुम! सोने आणि चांदीचे भाव गगनाला भिडले की उतरले? जाणून घ्या

सोमवारी देशभरात दिवाळीचा उत्साह पाहायला मिळत आहे. फटाके, दिवे आणि आनंदाच्या वातावरणात सण साजरा होत असतानाच बाजारातही चांगलीच चकाकी दिसत आहे. सोन्या-चांदीच्या किमतींनी दिवाळीच्या पार्श्वभूमीवर झपाट्याने वाढ घेतली असून, आता लग्नाच्या हंगामाच्या तोंडावर या दरांमध्ये आणखी वाढ होण्याची शक्यता व्यक्त केली जात आहे.

सध्या २२ कॅरेट सोन्याचा भाव प्रति १० ग्रॅम ₹१,१९,९५५, तर २४ कॅरेट सोन्याचा भाव ₹१,३०,८६० इतका झाला आहे. दरम्यान, चांदीचा दर प्रति किलो ₹१,५८,५०० वर पोहोचला आहे. या वाढत्या दरांमुळे ग्राहकांना दागिने खरेदी करताना मोठा खर्च करावा लागणार आहे.

आंतरराष्ट्रीय बाजारपेठेचा विचार केला तर अमेरिकेच्या कॉमेक्स मार्केटमध्ये सोन्याचे दर प्रति औंस ₹४,३४५.४० वर आहेत, जे मागील तुलनेत ०.३२ टक्क्यांनी कमी आहेत. चांदीही प्रति औंस ₹५०.५५, म्हणजेच १.६२ टक्क्यांनी घसरली आहे.

तथापि, मल्टी कमोडिटी एक्सचेंज (MCX) वर मात्र सोन्याचे दर उलट वाढले आहेत.सोनं ₹३,५८० किंवा २.८२ टक्क्यांनी वाढून ₹१,३०,५८८ प्रति १० ग्रॅम झाले आहे. चांदी देखील ₹१,५७१ किंवा १ टक्क्यांनी वाढून ₹१,५८,१७५ प्रति किलो झाली आहे.

देशातील प्रमुख शहरांतील भाव

• दिल्लीमध्ये, २२ कॅरेट सोने ₹१,१९,५३३ आणि २४ कॅरेट सोने ₹१,३०,४०० प्रति १० ग्रॅम, तर चांदी ₹१,५७,९४० प्रति किलो झाली आहे.

• मुंबईत, २२ कॅरेट सोने ₹१,१९,७३५, २४ कॅरेट सोने ₹१,३०,६२० प्रति १० ग्रॅम, आणि चांदी ₹१,५८,२१० प्रति किलो वर आहे.

• कोलकाता येथे २२ कॅरेट सोन्याचा भाव ₹१,१९,५७९, २४ कॅरेट सोनं ₹१,३०,४५०, आणि चांदी ₹१,५८,००० प्रति किलो वर स्थिर आहे.

• चेन्नईमध्ये, २२ कॅरेट सोनं ₹१,२०,०८३, २४ कॅरेट सोनं ₹१,३१,०००, तर चांदी ₹१,५८,६७० प्रति किलो आहे.

दिवाळीनंतर नोव्हेंबरपासून सुरू होणाऱ्या लग्नाच्या हंगामामुळे सोन्या-चांदीच्या मागणीत पुन्हा वाढ होईल. त्यामुळे पुढील काही आठवड्यांत त्यांच्या दरांमध्ये आणखी उसळी येण्याची शक्यता आहे. सध्या गुंतवणूकदार आणि ग्राहक दोघांनीही बाजारातील घडामोडींवर लक्ष ठेवणे गरजेचे असल्याचे तज्ज्ञांचे मत आहे.