Indian Economy: भारताची अर्थव्यवस्था सध्या जगात सर्वाधिक वेगाने वाढत आहे. अर्थव्यवस्थेची झपाट्याने वाढ होण्याचे कारण म्हणजे निर्यात वाढवण्यासाठी सरकार अनेक देशांसोबत मुक्त व्यापार करार (FTAs) करत आहे, ज्यामुळे भारताला आफ्रिका, दक्षिण अमेरिका आणि मध्य आशियातील देशांचे दरवाजे खुले होत आहेत. या आधारे भारताची निर्यात 2030 पर्यंत एक ट्रिलियनपर्यंत पोहोचू शकते. फेब्रुवारी 2024 मध्ये भारताची निर्यात 11.9 टक्क्यांनी वाढून $41.4 अब्ज झाली आहे. मार्च 2023 नंतर भारताने केलेली ही सर्वाधिक निर्यात होती. या काळात भारताने औषधे, फार्मा, अभियांत्रिकी आणि इलेक्ट्रिकल वस्तूंची निर्यात केली.
दरम्यान, एप्रिल-डिसेंबर 2023 या कालावधीत आफ्रिका, लॅटिन अमेरिका आणि मध्य आशियातील देशात भारताने US$ 234 दशलक्ष किमतीच्या मालाची निर्यात केली आहे, ज्यात कार, दुचाकी आणि तीनचाकी वाहने आणि मौल्यवान धातू यांचा समावेश आहे.
फेडरेशन ऑफ इंडियन एक्सपोर्ट ऑर्गनायझेशन (FIEO) चे अजय सहाय म्हणाले की, दीर्घकालीन दृष्टीकोनातून भारताच्या निर्यातीला प्रोत्साहन मिळणे अपेक्षित आहे. 2030 पर्यंत आम्ही एक ट्रिलियन डॉलर्सच्या निर्यातीचा आकडा गाठू शकू. पुढील आर्थिक वर्षाच्या पहिल्या तिमाहीत काही समस्या असल्या तरी, आम्ही आशावादी आहोत की यूएस फेडने व्याजदर कमी केल्यानंतर अनेक देशांकडून मागणी वाढू शकते.
भारताची सर्वाधिक निर्यात अमेरिकेला होते. एकूण निर्यातीच्या हे 15 टक्के आहे. यानंतर यूएई 11 टक्क्यांसह दुसऱ्या स्थानावर आहे. त्याचवेळी, हाँगकाँग 5 टक्क्यांसह तिसऱ्या क्रमांकावर, चीन आणि सिंगापूर 4-4 टक्क्यांसह चौथ्या स्थानावर आणि 3 टक्क्यांसह यूके पाचव्या स्थानावर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.