क्रिडाविश्वात खळबळ, स्टार खेळाडूचा एकदिवसीय क्रिकेटला रामराम, चाहत्यांमध्ये नाराजी

Glenn Maxwell Retirement

ऑस्ट्रेलियाचा दिग्गज अष्टपैलू खेळाडू ग्लेन मॅक्सवेलने एकदिवसीय आंतरराष्ट्रीय क्रिकेटमधून निवृत्तीची घोषणा केली आहे. ग्लेन मॅक्सवेलने सोमवार २ जून रोजी त्याच्या निवृत्तीची माहिती दिली. तो ऑस्ट्रेलियाकडून शेवटचा एकदिवसीय आंतरराष्ट्रीय क्रिकेटमध्ये २०२५ च्या चॅम्पियन्स ट्रॉफीमध्ये खेळला होता. त्या स्पर्धेनंतर स्टीव्ह स्मिथनेही निवृत्तीची घोषणा केली. चॅम्पियन्स ट्रॉफीनंतर, तो आयपीएल २०२५ मध्ये दिसला, परंतु दुखापतीमुळे काही सामन्यांनंतरच तो संपूर्ण स्पर्धेतून बाहेर पडला.

२०१२ मध्ये केलं होतं पदार्पण

२०१२ मध्ये ऑस्ट्रेलियाकडून एकदिवसीय क्रिकेटमध्ये पदार्पण करणारा ग्लेन मॅक्सवेल हा दोन वेळा विश्वचषक विजेता संघाचा भाग राहिला आहे. त्याने १४९ एकदिवसीय सामन्यांमध्ये जवळपास ३९९० धावा केल्या आहेत, तर गोलंदाज म्हणून त्याने ७९ बळी घेतले आहेत.

ग्लेन मॅक्सवेल हा जगातील काही मोजक्या खेळाडूंपैकी एक आहे ज्याने एकदिवसीय सामन्यांमध्ये दुहेरी शतक ठोकले आहे, परंतु तो एकमेव फलंदाज आहे ज्याने सामन्याच्या दुसऱ्या डावात अशी कामगिरी केली आहे. ग्लेन मॅक्सवेल सध्या टी-२० आंतरराष्ट्रीय आणि लीग क्रिकेट खेळत राहील.

एकदिवसीय सामन्यात द्विशतक

ग्लेन मॅक्सवेलच्याने १४९ सामन्यांमध्ये ३३.८१ च्या सरासरीने ३९९० धावा केल्या आहेत आणि ४७.३२ च्या सरासरीने ७७ विकेट्स घेतल्या आहेत. विशेष म्हणजे आंद्रे रसेल वगळता, एकदिवसीय क्रिकेटच्या इतिहासात कोणत्याही खेळाडूचा स्ट्राईक रेट मॅक्सवेलच्या १२६.७० पेक्षा जास्त नाही.

मॅक्सवेलने फिनिशर म्हणून ३३.८१ च्या सरासरीने स्ट्राईक रेट कायम ठेवला आणि चार शतके केली. यामध्ये २०२३ च्या विश्वचषकात मुंबईत अफगाणिस्तानविरुद्ध नाबाद २०१ धावांची शानदार खेळी समाविष्ट आहे, जी ऑस्ट्रेलियनने एकदिवसीय सामन्यात झळकावलेले पहिले द्विशतक होते.