Atique Ahmed Death: माफिया डॉन अतिक अहमद 'या' आलिशान कारचा शौकीन, नंबर होता 786...!

Atique Ahmed Car Collection: माफिया डॉन अतिक अहमद आणि त्याचा भाऊ अश्रफ यांची गोळ्या झाडून हत्या करण्यात आली. ही घटना शनिवारी रात्री 10 वाजता घडली.

अतिक आणि अश्रफ यांना प्रयागराज (Prayagraj) येथील रुग्णालयात वैद्यकीय तपासणीसाठी आणण्यात आले. हल्लेखोरांनी जेव्हा गोळीबार केला तेव्हा मीडियावाले दोघांची चौकशी करत होते.

यादरम्यान अतिक अहमदवर गोळी झाडण्यात आली. पोलिसांचे म्हणणे आहे की, हल्लेखोर मीडियाचे लोक म्हणून आले होते.

आलिशान गाड्यांची आवड होती

अतिकबद्दल असे म्हटले जाते की, तो आलिशान गाड्यांचा शौकीन होता. अतिककडे लँड क्रूझर, मर्सिडीज अशा अनेक एसयूव्ही गाड्या होत्या. सगळ्यात खास होता या गाडीचा नंबर. कारच्या नोंदणी क्रमांकाचा शेवटचा डिजीट 786 होता.

ही वाहनेही त्याच्या मालकीची होती

वास्तविक, अतिकबद्दल हे प्रसिद्ध होते की, तो रॉबिनहूडसारखा वागायचा. त्याला अत्याधुनिक शस्त्रास्त्रे आणि आलिशान गाड्यांची खूप आवड होती, असेही सांगितले जाते.

देशात विकली जाणारी महागडी आलिशान वाहने अतिकच्या ताफ्यात अनेकदा दिसायची. अनेक वेळा तो या महागड्या वाहनांमध्ये दिसला, तर अनेक वेळा तो ड्रायव्हिंग सीटवरही दिसला.

5 गाड्या त्याच्या नावावर होत्या

बहुतेक महागडी वाहने बाहुबली अतिकने स्वतःच्या किंवा कुटुंबाच्या नावाने खरेदी केलेली नाहीत. अतिकच्या नावावर फक्त 5 कार होत्या.

यामध्ये 1991 मॉडेल टोयोटा लँड क्रूझर, 1990 मॉडेल मारुती जिप्सी, 1993 मॉडेल महिंद्रा जीप, 1993 मॉडेल पियाजिओ जीप आणि 2012 मॉडेल पजेरो कार यांचा समावेश होता. मीडिया रिपोर्ट्सनुसार, पोलिसांनी (Police) गेल्या महिन्यातच त्याच्या काही आलिशान गाड्या जप्त केल्या होत्या.