हैदराबादमध्ये शाळकरी मुलीवर सामूहिक अत्याचार

हैदराबादमध्ये पुन्हा एकदा देशाला हादरवून टाकणारी घटना घडली आहे. एका शाळकरी अल्पवयीन मुलीवर मित्रांनी बलात्कार केल्याची घटना समोर आली आहे. संशयितांनी पीडितेला एका चारचाकीमध्ये घेऊन जात हे कृत्य केलं असल्याचं समोर आले आहे. (Gang rape of a schoolgirl in Hyderabad)

सर्व पाच आरोपी विद्यार्थी असून यात एका आमदाराच्या मुलाचा ही समावेश आहे. हे सर्व आरोपी अकरावीत शिकतात तर पीडिता बारावीत शिकत असल्याची प्राथमिक माहिती समोर आली आहे. मिळालेल्या माहितीनुसार या कृत्यात समावेश असणारे संशयित हे राजकियदृष्ट्या प्रभावशाली कुटुंबातील आहेत. या घटनेत सहभागी आऱोपी हे एकापेक्षा जास्त असले तरी पोलीसांनी आमदाराचा मुलाचा सामूहिक बलात्कारात त्याचा सहभाग नसावा अशी शक्यता वर्तवली आहे.

सायंकाळी 17 वर्षीय युवती आपल्या मित्रासोबत पबमध्ये गेली होती. यानंतर ती घराकडे परतत असताना पबमध्ये ओळख झालेल्या मुलासोबत घरी सोडतो असं सांगितल्याने परतत असताना यावेळी तीचे मित्र ही या कारमध्ये होते. यावेळी हा प्रकार घडला असावा असा पोलिसांनी अंदाज व्यक्त केला आहे. पोलिसांनी दिलेल्या माहितीनुसार, ज्युबिली हिल्स येथे आरोपींनी कार थांबवत मुलीवर बलात्कार केला. दरम्यान ज्या आमदाराच्या मुलाचं नाव समोर येत आहे.

त्याने या घटनेआधी भीतीपोटी गाडीतून खाली उतरत पळ काढला असा दावा आहे. मुलीच्या वडिलांनी शरिरावरील जखमा पाहिल्यानंतर विचारपूस केली असता मुलीने काही मुलांनी पबमध्ये आपल्या हल्ला केल्याची खोटी माहिती दिली. मुलीच्या वडिलांनी दिलेल्या तक्रारीच्या आधारे पोलिसांनी गुन्हा दाखल केला होता. पण नंतर मुलीने बलात्कार झाल्याचं सांगितलं असता बलात्काराचा गुन्हा दाखल करण्यात आला.यावर पोलीसांनी फुटेजच्या आधारे याबाबत कसून चौकशी सूरु असून लवकरच सर्व आरोपींना गडाआड करण्यात यश मिळेल असा विश्वास ही व्यक्त केला आहे.