नवी दिल्ली: मान्सूनच्या (Monsoon) पुन्हा सक्रीय झाला असून, पुढील तीन दिवसांत दक्षिण, पश्चिम आणि उत्तर भारतातील अनेक भागांमध्ये मुसळधार पाऊस (Rain) पडण्याची शक्यता भारतीय हवामान विभागाकडून (IMD) वर्तविण्यात आली आहे. कर्नाटक (Karnataka), तामिळनाडू (Tamil Nadu) आणि केरळमध्ये (Kerala) पुढील तीन दिवसांत मुसळधार पावसाचा अंदाज आहे. तीन दिवसानंतर याची तीव्रता कमी होईल.
संभाव्य कमी दाबाचे क्षेत्र पश्चिम-वायव्य दिशेने सरकत असून, ते चक्रीवादळाच्या प्रभावाखाली असल्याने, 5 ते 7 सप्टेंबरपर्यंत दक्षिण ओडिसा, आंध्र प्रदेश किनारपट्टी, तेलंगणा, विदर्भ आणि दक्षिण छत्तीसगडमध्ये बऱ्याच ठिकाणी अतिवृष्टीची शक्यता आहे. तर 7 ते 9 सप्टेंबरपर्यंत उत्तर मराठवाडा, उत्तर मध्य महाराष्ट्र, उत्तर कोकण, गुजरातमध्ये पावसाची शक्यता आहे. 8 सप्टेंबरला उत्तर कोकण, मध्य महाराष्ट्र आणि गुजरातच्या काही भागात आणि 7 सप्टेंबरला तेलंगणामध्ये अतिवृष्टी होण्याची शक्यता आहे. याच दरम्यान, हिमाचल प्रदेश, उत्तराखंड, उत्तर पंजाब, जम्मूत आणि पूर्व राजस्थानमध्ये मुसळधार पावसाची शक्यता आहे. तर उत्तर-पश्चिम भारताच्या बहुतांश भागांमध्ये देखील पावसाचा अंदाज आहे.
ऑगस्टमध्ये अपुरा पाऊस नोंदवल्यानंतर, आयएमडीने सप्टेंबरमध्ये जास्त पर्जन्यमानाचा अंदाज वर्तवला आहे. 31 ऑगस्टपर्यंत पावसात 9 टक्के तूट होती. सप्टेंबरमध्ये मॉन्सूनचा अंदाज जारी करताना, आयएमडीचे महासंचालक मृत्युंजय महापात्रा म्हणाले, ऑगस्ट दरम्यान नोंदवलेली कमतरता चालू महिन्यात जास्त पावसामुळे भरून काढली जाण्याची शक्यता आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
