Jharkhand: झारखंडच्या निलंबित IAS अधिकारी पूजा सिंघल यांच्या निकवर्तीय मानल्या जाणाऱ्या प्रेम प्रकाशच्या घरावर ईडीने छापेमारी केली आहे. या छापेमारीत ईडीने प्रेम प्रकाशच्या घरातून दोन AK-47 रायफली जप्त केल्या आहेत.
सूत्रांनी दिलेल्या माहितीनुसार, अंमलबजावणी संचालनालयाच्या छाप्यात प्रेम प्रकाश याच्या घरातून दोन एके-47 रायफल जप्त करण्यात आल्या आहेत. रांचीमधील (Ranchi) आरोपीच्या (Accused) ठिकाणाहून दोन्ही एके-47 रायफल सापडल्या आहेत. प्रेमप्रकाशच्या घरात एके-47 रायफल सापडल्याने अंमलबजावणी संचालनालयाची टीमही चक्रावून गेली आहे.
दरम्यान, ईडीने यापूर्वी 25 मे रोजी प्रेम प्रकाश याच्या हरमू आणि वसुंधरा अपार्टमेंटमधील कार्यालयावर छापे टाकले होते. छापेमारी दरम्यान, ईडी अधिकाऱ्यांना प्रेम प्रकाश याच्या वसुंधरा अपार्टमेंटमधील फ्लॅट क्रमांक – 802 मध्ये मौल्यवान वस्तू सापडल्या होत्या. त्याचवेळी हरमू येथील प्रेम प्रकाशच्या कार्यालयावर छापेमारी केली असता ईडीला विदेशी कासवही मिळाले होते.
दुसरीकडे, बुधवार सकाळपासूनच सासारामच्या नगर पोलिस ठाण्याच्या हद्दीतील दोन ठिकाणांवर ईडीची छापेमारी सुरु आहे. झारखंडमधील मनरेगा घोटाळा आणि बेकायदेशीर खाणकामाचा सूत्रधार मानल्या जाणाऱ्या प्रेम प्रकाश उर्फ छोटूच्या सासारामच्या बँक कॉलनीतील निवासस्थानावर ईडीने (ED) छापे टाकल्याने मोठा गोंधळ उडाला आहे. गौरक्षिणी परिसरात प्रेम प्रकाश याचे मामा रतन श्रीवास्तव यांच्या घरावरही सकाळपासून छापे टाकण्यात येत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
