अपघात की हत्या? तीन दुचाकीस्वार तरुणांचा होरपळून मृत्यू

हरियाणाच्या हिस्सारमध्ये एकाच दुचाकीवर आलेल्या तीन तरुणांचा संशयास्पद मृत्यू झाला. अपघातानंतर दुचाकी जळून खाक झाली असून, त्यावरील तीन तरुणांचे मृतदेहही जळाले आहेत. पोलीस सध्या या घटनेला अपघात म्हणत आहेत, मात्र हा अपघात नसून ही हत्या आहे असा आरोप मृताच्या नातेवाईकांनी केला आहे. मिळालेल्या माहितीनुसार, दिल्ली बायपासवर हॉटेल रेडवूड बांधले आहे. हे हॉटेल आर्य नगरमध्ये राहणारा निशांत चालवत होता. या हॉटेलमध्ये भटुकलन रहिवासी अजय आणि सूर्यनगर रहिवासी अभिषेक काम करतात.

सोमवारी पहाटे 3 च्या सुमारास तिघेही एकाच दुचाकीवरून सेक्टर 27 येथील गुजराती ढाब्यावर जेवण करण्यासाठी गेले होते. जेवण आटोपून ते परतीला निघाले आणि सातरोडजवळ पोहोचले असता काही अनोळखी वाहनाने त्यांच्या गाडीला धडक दिली आणि दुचाकीने पेट घेतला. या घटनेत तिन्ही तरुणांचा मृत्यू झाला. तिघांचाही मृत्यू भाजल्याने की जखमांमुळे झाला हे शवविच्छेदनानंतर स्पष्ट होईल.

मात्र, नातेवाईकांच्या तक्रारीच्या आधारे पोलीस (police) खुनाच्या कोनातूनही तपास करत असून तपासासाठी सहा विशेष पथके तयार करण्यात आली आहेत. घटनेच्या आजूबाजूच्या सीसीटीव्ही कॅमेऱ्यांचे फुटेज तपासले जात आहे. निशांतला फोनवरून जीवे मारण्याच्या धमक्या येत असल्याची तक्रार आर्यनगर येथील रहिवासी असलेल्या निशांतच्या नातेवाईकांनी केली आहे. मृतांपैकी एक असलेल्या अभिषेकचा नातेवाईक गुलाब याने सांगितले की, अभिषेकचे काही महिन्यांपूर्वीच लग्न झाले असून त्याला 2 महिन्यांचा मुलगा आहे, दुचाकीस्वार जळून मृत्यूमुखी पडल्याचे कधीच ऐकले नाही.