केंद्राचा इशारा: निर्बंध पुन्हा? देशातील 27 जिल्ह्यांमध्ये कोरोना झाला अनियंत्रित

केंद्राने सर्व राज्यांना पत्र लिहून चेतावणी दिली आहे, तसेच संक्रमणाचे प्रमाण जास्त असलेल्या 27 जिल्ह्यांवर लक्ष ठेवण्यास सांगितले आहे
Corona
CoronaDainik gomantak
Published on: 
Updated on: 

कोरोनाचा (Corona) संसर्ग पुन्हा एकदा अनियंत्रित होत आहे. परिस्थिती अशी आहे की 10 राज्यांतील 27 शहरांमध्ये गेल्या दोन आठवड्यांत संसर्गाचे प्रमाण अचानक वाढले आहे. असे अनेक जिल्हे आहेत जिथे संसर्गाचे प्रमाण 10 टक्क्यांच्या वर पोहोचले आहे, तर इतर जिल्ह्यांमध्ये ते पाच ते दहा टक्क्यांच्या दरम्यान आहे. अशा परिस्थितीत केंद्राने सर्व राज्यांना पत्र लिहून चेतावणी दिली आहे, तसेच संक्रमणाचे प्रमाण जास्त असलेल्या 27 जिल्ह्यांवर लक्ष ठेवण्यास सांगितले आहे. केंद्रीय आरोग्य सचिव राजेश भूषण यांच्या वतीने राज्यांना हे पत्र लिहिले आहे. या पत्रात केंद्राकडून अनेक मार्गदर्शक सूचना देण्यात आल्या आहेत.

Corona
SBI Alert : आज-उद्या SBI ग्राहक या सेवा राहणार बंद..

आवश्यक ती सर्व पावले उचलण्यावर भर

ज्या जिल्ह्यांमध्ये संसर्गाचे प्रमाण अनियंत्रित होत आहे, त्या जिल्ह्यांची निवड करून तेथे कोरोना रोखण्यासाठी कठोर पावले उचलण्याची गरज असल्याचे या पत्रात म्हटले आहे. गरज भासल्यास रात्रीचा कर्फ्यू, लोकांच्या एकत्र येण्यावर बंदी, लग्न किंवा इतर समारंभात गर्दीवर बंदी घालण्यासही सांगण्यात आले आहे.

केंद्राच्या अहवालानुसार, मिझोराम, केरळ आणि सिक्कीम (Sikkim) या तीन राज्यांतील आठ जिल्ह्यांमध्ये संसर्गाचा दर 10 टक्क्यांच्या वर पोहोचला आहे. त्याच वेळी, सात राज्यांतील 19 जिल्ह्यांमध्ये हे प्रमाण पाच ते दहा टक्क्यांच्या दरम्यान आहे.

Corona
गोव्यासह पाच राज्यांच्या निवडणुकांसाठी भाजपचा शंभर नंबरी प्लॅन !

संसर्ग दर

आरोग्य मंत्रालयाच्या अहवालानुसार, मिझोराममधील (Mizoram) हन्नाथियाल आणि सेरछिप जिल्ह्यांमध्ये संसर्ग दर अनुक्रमे 22.37 आणि 19.29 टक्के आहे. याशिवाय येथील इतर तीन जिल्ह्यांमध्ये संसर्गाचा दर 10 टक्क्यांच्या वर पोहोचला आहे. याशिवाय केरळमधील (Kerala) दोन जिल्हे आणि सिक्कीममधील एका जिल्ह्यात कोरोना संसर्गाचा दर 10 टक्क्यांहून अधिक आहे.

या सूचना राज्यांना दिल्या आहेत

- आरटी पीसीआर चाचणी वाढवण्यावर भर

- परदेशातून येणाऱ्यांवर लक्ष ठेवण्यात निष्काळजी राहू नका

- संक्रमित रूग्ण आणि त्यांच्या संपर्कात आलेल्यांची तपासणी आणि निरीक्षण केले पाहिजे

सर्व राज्यांनी कोविड दक्षता नियमांचे काटेकोरपणे पालन करण्याच्या सूचना जारी कराव्यात.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

Kulgam Encounter Jammu and Kashmir
Uttar Pradesh BJP Internal Conflict
Indian history free from colonial perspective
Amit Shah praises PM Modi's development work