Rahul Gandhi Bike Ride: ट्रक, नांगरनंतर आता लडाखमध्ये बाईक राईड; राहुल गांधींचा डॅशिंग अंदाज, पाहा फोटो

Rahul Gandhi Bike Ride: काँग्रेस नेते राहुल गांधी लडाखच्या दौऱ्यावर आहेत. शनिवारी ते पँगॉन्ग लेकवर गेले होते तिथे त्यांनी बाईकही चालवली. त्याचे अनेक फोटो सोशल मीडियावर व्हायरल झाले आहेत.

त्या फोटोंमध्ये राहुल गांधी बाईक चालवताना दिसत आहेत, त्यांनी स्पोर्ट्स वेअरही घातले आहेत. त्या फोटोंवर राहुलने त्यांचे वडील आणि माजी पंतप्रधान राजीव गांधी यांची आठवण काढली आहे.

मी पँगोंग तलावावर जात आहेत. हे जगातील सर्वात सुंदर ठिकाणांपैकी एक आहे. असे माझे वडील म्हणायचे असे काँग्रेस नेते राहुल गांधींनी सांगितले आहे.

राहुल गांधींनी याआधीही कधी बाईक चालवली आहे, कधी ट्रक चालवला आहे तर कधी शेतीत नांगरण्याचे कामही केले आहे. भारत जोडो यात्रेपासून राहुलमध्ये हा मोठा बदल पाहायला मिळत आहे.

राहुल गांधी यांच्यात भारत जोडो यात्रापासून मोठा बदल पाहायला मिळत आहे. राहुल गांधी देशातील विविध भागात दौरा करत असून, सामान्य घटकातील लोकांची भेट घेत आहेत. यापूर्वी त्यांनी ट्रकमधून प्रवास केला होता तसेच, ट्रक देखील चालवला होता.

तसेच, त्यांनी शेतात जाऊन नांगर देखील चालवला होता. राहुल गांधी यांचा लडाखमधील डॅशिंग अंदाज समोर आला आहे. त्यांनीच लडाख ट्रीपचे फोटो सोशल मिडियावर शेअर केले आहेत. या फोटोंना मोठ्या प्रमाणावर लाईक्स आणि शेअर मिळत आहेत.