Congress Announces Reconstituted Working Committee: काँग्रेस अध्यक्ष मल्लिकार्जुन खर्गे यांनी रविवारी काँग्रेस कार्यकारिणीची घोषणा केली. 39 सदस्यांच्या या समितीत सोनिया, राहुल, प्रियांका यांचा समावेश आहे. त्याचबरोबर माजी पंतप्रधान मनमोहन सिंग यांनाही समितीत कायम ठेवण्यात आले आहे.
तसेच गोव्‍याचे माजी प्रदेशाध्‍यक्ष गिरीश चोडणकर ‘सीडब्‍ल्‍यूसी’वर कायमस्‍वरुपी निमंत्रित म्‍हणून राहणार आहेत.
मल्लिकार्जुन खरगे यांनी त्यांच्या विरोधात निवडणूक लढवणारे शशी थरूर यांचाही कार्यकारिणीत समावेश केला आहे. काँग्रेस कार्यकारिणी मध्ये एकूण 84 नावे आहेत. यामध्ये काँग्रेस कार्यकारिणी सदस्य, स्थायी निमंत्रित, सरचिटणीस, विशेष निमंत्रित आणि प्रभारी यांच्या नावांचा समावेश आहे.
2024 च्या लोकसभा निवडणुका डोळ्यासमोर ठेवून ही यादी जाहीर करण्यात आली आहे. गेल्या वर्षी ऑक्टोबरमध्ये पक्षाचे नवनिर्वाचित अध्यक्ष मल्लिकार्जुन खर्गे यांनी 23 सदस्यीय काँग्रेस कार्यकारिणी बरखास्त करून त्याजागी 47 सदस्यीय संचालन समिती नेमली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.