महागाई अन् बेरोजगारीवरुन काँग्रेस आक्रमक; प्रियंकासह, राहुल गांधी पोलिसांच्या ताब्यात

दिल्लीमध्ये महागाई आणि बेरोजगारीवरून केंद्र सरकारच्या विरोधात आंदोलन करताना काँग्रेस खासदार राहुल गांधी (Rahul Gandhi) आणि काँग्रेस नेत्या प्रियंका गांधी वड्रा यांना दिल्लीतील AICC मुख्यालयाबाहेरून ताब्यात घेतले आहे. जेथे त्या बेरोजगारी आणि महागाईच्या निषेधार्थ पक्षाच्या इतर नेते आणि कार्यकर्त्यांमध्ये सामील झाल्या होत्या. तसेच पक्षाने आज कॉंग्रेसने देशव्यापी आंदोलन पुकारले आहे.

माध्यमांशी बोलताना राहुल गांधी म्हणाले की, जनतेचे प्रश्न मांडणे हे आमचे काम आहे. महागाईचा मुद्दा मांडण्यासाठी काँग्रेसचे सर्व खासदार राष्ट्रपती भवनाकडे कूच करत होते पण ते आम्हाला इथून पुढे जाऊ देत नाहीत असंही वक्तव्य यावेळी राहुल गांधी यांनी केले आहे.

तसेच काँग्रेसच्या काही खासदारांना पोलिसांनी ताब्यात घेतले आहे. काँग्रेसचे खासदार राहुल गांधी महागाई आणि बेरोजगारीविरोधात दिल्लीच्या विजय चौकात आंदोलन करत होते.