Chhattisgarh News: गोव्यातून स्वस्तःत आणलेला मद्याचा बेवास स्थितीतील साठा छत्तीसगड पोलिसांनी जप्त केला आहे. नवी रायपूर येथील खांडवा या गावाशेजारील रस्त्यावर हा साठा पोलिसांना आढळून आला. पोलिसांची चाहूल लागताच संशयित मद्य तस्करांनी हा साठा येथेच सोडून पळ काढल्याची चर्चा आहे.
हा गोवा बनावटीचा अवैध इंग्रजी मद्याचा साठा आता पोलिसांच्या ताब्यात आहे. दारूचे एकूण 20 बॉक्स असून त्यात मिळून 960 बाटल्या असल्याचे समजते. या साठ्याची एकूण किमित 1 लाख 50 हजार रूपये इतकी आहे. पोलिसांनी या प्रकरणी अबकारी कायद्यानुसार गुन्हा दाखल केला आहे.
मद्यप्रेमींसाठी गोवा हे स्वर्ग समजले जाते. कारण देशातील इतर राज्यांच्या तुलनेत गोव्यात मद्याचे दर खूप स्वस्त आहेत. त्यामुळे केवळ मद्यपानाच्या उद्देशाने गोव्याला येणाऱ्या पर्यटकांचे प्रमाणही खूप आहे.
त्यातून अनेकदा गोव्यात मिळणारी ही स्वस्तःतली दारू आपल्या राज्यात नेण्याचा प्रयत्न केला जातो. चेकपोस्टवर पोलिसांनी ही दारू आढळून आल्यास ती जप्त केली जाते.
त्यामुळे गोव्यातून स्वस्तःत दारू विकत घेऊन तिची विविध राज्यात तस्करी करण्याचे अनेक प्रयत्न उघडकीस येत असतात. अशाच तस्करीतून ही दारू छत्तीसगडमध्ये नेल्याची चर्चा आहे. तथापि, आता हा साठा पोलिासंनी जप्त केला असून पोलिस आरोपींचा शोध घेत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
