Chardham Yatra 2023: भाविकांच्या मृत्यूचा आकडा वाढला, केदारनाथ यात्रेदरम्यान आतापर्यंत 24 जणांचा मृत्यू!

Kedarnath Dham: एकीकडे चारधाम यात्रेबाबत भाविकांमध्ये प्रचंड उत्साह असताना दुसरीकडे यात्रेदरम्यान मृत्यूमुखी पडणाऱ्यांची संख्याही झपाट्याने वाढत आहे.
Kedarnath Dham
Kedarnath DhamDainik Gomantak

Kedarnath Dham: एकीकडे चारधाम यात्रेबाबत भाविकांमध्ये प्रचंड उत्साह असताना दुसरीकडे यात्रेदरम्यान मृत्यूमुखी पडणाऱ्यांची संख्याही झपाट्याने वाढत आहे.

यावर्षी केदारनाथ यात्रेदरम्यान आतापर्यंत 24 यात्रेकरुंचा मृत्यू झाला आहे. ज्यामध्ये 6 महिला आणि 18 पुरुषांचा समावेश आहे.

केदारनाथ धामच्या दर्शनासाठी भाविकांना कोणतीही अडचण येऊ नये यासाठी जिल्हा प्रशासन सर्वतोपरी प्रयत्न करत आहे.

लहानांपासून मोठ्या रुग्णालयांपर्यंत, केदारनाथ पायी मार्गापासून ते रस्त्यापर्यंत प्रत्येक 5 किलोमीटरवर छोटी केंद्रे उघडण्यात आली आहेत. जेणेकरुन प्रवाशांची तपासणी वेळेवर होऊन त्यांना लवकर उपचार मिळू शकतील.

दरम्यान, 23 दिवसांत 24 जणांचा मृत्यू झाला आहे. हृदयविकाराचा झटका हे बहुतांश मृत्यूंचे कारण असल्याचे सांगितले जात आहे.

अशा परिस्थितीत येथे प्रश्न उपस्थित होतो की, आरोग्य विभाग इतके दावे करत असताना केदारनाथपासून सोनप्रयाग, गौरीकुंडपर्यंत पॅरामेडिकल कर्मचारी आणि रुग्णालये (Hospital) उघडून सर्वत्र रुग्णांना उपचार दिले जात आहेत, मग इतके मृत्यू कसे होतायेत?

दुसरीकडे, मुख्य विकास अधिकारी नरेश कुमार सांगतात की, आरोग्य विभाग सर्वतोपरी प्रयत्न करत आहे.

Kedarnath Dham
Chardham Yatra: विक्रमी चारधाम यात्रा! 46 लाख भाविक दाखल, 100 कोटींची कमाई

सरकारने अ‍ॅडव्हायझरी जारी केली आहे

त्याचवेळी, राज्यातील बदलते हवामान आणि हृदयविकाराच्या झटक्याने भाविकांच्या सततच्या मृत्यूनंतर धामी सरकारने चारधाम यात्रेशी संबंधित अ‍ॅडव्हायझरी जारी केली आहे.

अॅडव्हायझरीनुसार, भाविकांना प्रवास सुरु करण्यापूर्वी त्यांची संपूर्ण तपासणी करुन घेण्याचा सल्ला देण्यात आला आहे.

याचे मुख्य कारण म्हणजे मंदिर उंचावर आहे. मंदिर इतक्या उंचीवर आहे की, भाविकांना थंडी, कमी आर्द्रता आणि कमी ऑक्सिजनमुळे समस्यांना सामोरे जावे लागते, त्यामुळे जे पूर्णपणे निरोगी असतील त्यांनीच मंदिराला भेट द्यावी.

Kedarnath Dham
Kedarnath Yatra 2023: केदारनाथमध्ये बम बम भोलेचा गजर! उघडले गेले मंदिराचे दरवाजे, पाहा व्हिडिओ

तसेच, भाविकांना चारधामला जाण्यापूर्वी दररोज 5-10 मिनिटे श्वासोच्छवासाचे व्यायाम करण्याचा सल्ला देण्यात आला आहे. यासोबतच रोज 20-30 मिनिटे चालण्याचा सल्ला देण्यात आला आहे. प्रवासाला (Travel) येण्यापूर्वी हवामानाची माहिती घ्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com