'अरविंद केजरीवाल यांना पंजाबचे मुख्यमंत्री व्हायचे आहे पण...' : चरणजीत सिंग चन्नी

दिल्लीचे मुख्यमंत्री अरविंद केजरीवाल यांना पंजाबचे मुख्यमंत्री व्हायचे आहे की प्रॉक्सी पध्दतीने राज्य करायचे आहे.' पंजाब विधानसभा निवडणुकीत आम आदमी पक्षाचा प्रमुख प्रतिस्पर्धी काँग्रेस पक्षाचे मुख्यमंत्रिपदाचे उमेदवार चरणजित सिंग चन्नी (Charanjit Singh Channi) यांनी माध्यमाशी केलेल्या चर्चेत ही माहिती दिली. चन्नी म्हणाले, 'केजरीवाल यांना पंजाबचे मुख्यमंत्री व्हायचे आहे, परंतु त्यांची इच्छा कधीच पूर्ण होणार नाही. 'अब की बार केजरीवाल' म्हणण्यासाठी त्यांनी 200 ते 400 कोटी रुपये जाहिरातींवर खर्च केले, परंतु लोकांनी ते स्वीकारले नाही, तेव्हा त्यांनी भगवंत मान यांचे नाव मुख्यमंत्री पदासाठी जाहीर केले.' (Charanjit Singh Channy Said Kejriwal Wants To Be The Chief Minister Of Punjab)

मुख्यमंत्री चन्नी म्हणाले, "केजरीवाल (Arvind Kejriwal) प्रत्येक वेळी निवडणुकीच्या वेळी असे प्रकार करतात आणि नंतर माफी मागतात." अशा व्यक्तीने मुख्यमंत्री होऊ नये, चूक झाल्यावर प्रत्येक वेळी माफी मागावी. उद्या ते पुन्हा सॉरी म्हणतील.' राज्यात 20 फेब्रुवारीला मतदान होणार असून चन्नी आणि केजरीवाल यांच्या पक्षात चुरशीची लढत होण्याची शक्यता आहे. आम आदमी पक्षाच्या प्रमुखांनी चन्नी यांच्यावर दिल्लीच्या कल्याणकारी योजनांची कॉपी केल्याचा आरोप केला आहे. मागील काही दिवसांपूर्वी चन्नी यांच्या नातेवाईंकावर लाचलुचपत प्रतिबंधक विभागाने टाकलेल्या छाप्याबाबतही ते बोलले. दुसरीकडे चन्नी यांनी केजरीवाल हे बाहेरचे असल्याचा आरोप केला आहे.

दरम्यान, या चर्चेदरम्यान चन्नी यांनी राज्यात बहुमत मिळाल्यानंतर काँग्रेस (Congress) सरकार स्थापन करेल, असा विश्वासही व्यक्त केला. एनडीटीव्हीशी संवाद साधताना चन्नी यांना विचारण्यात आले की, काँग्रेसला बहुमत मिळाले नाही, तर ते इतर पक्षांशी जुळवून घेण्याचा विचार तुम्ही करणार का यावर ते म्हणाले की, असे होणार नाही. पक्षाला दोन तृतीयांश बहुमत मिळेल. या निवडणुकीत काँग्रेस सोडून वेगळा पक्ष स्थापन करणारे कॅप्टन अमरिंदर सिंग हे फॅक्टर नसल्याचेही चन्नी म्हणाले.