Call Girl Booking App Scam: कॉल गर्ल बुकिंग अ‍ॅपवरुन करोडोंची फसवणूक झाल्याची घटना समोर आली आहे. राजस्थानमध्ये पाच जणांची टोळी अशाप्रकारची फसवणूक करत होती.
बनावट कॉल गर्ल अ‍ॅप तयार करुन आरोपींनी केवळ दहा-वीस नव्हे तर 800 हून अधिक लोकांना आपल्या जाळ्यात अडकवले. ही टोळी गेल्या सहा महिन्यांपासून सक्रिय होती. या काळात टोळीच्या सदस्यांनी कोट्यवधी रुपयांची कमाई केली.
या टोळीच्या म्होरक्याला पोलिसांनी अटक केली आहे. लोकांना लुटण्याची पद्धत जाणून तुम्हालाही आश्चर्य वाटेल...इंस्टाग्रामवरुन मुलींचे फोटो चोरायचे.
'आज तक'च्या रिपोर्टनुसार, टोळीच्या सदस्यांनी बनावट कॉल गर्ल अ‍ॅप तयार केले होते. या अ‍ॅपमध्ये त्यांनी अनेक मुलींची प्रोफाईल्स तयार केली होती. प्रोफाईल फेक नसल्याचा युजरचा विश्वास बसावा म्हणून प्रोफाईलमध्ये त्याच मुलीचे अनेक फोटो पोस्ट करण्यात आले होते.
यासाठी टोळीचे सदस्य इंस्टाग्रामवरुन (Instagram) मुलींचे फोटो चोरायचे, ज्यांचे प्रोफाईल इंस्टाग्रामवर प्रायव्हेट नाही अशा मुलींचे फोटो डाउनलोड केले जाऊ शकतात.
टोळीचे सदस्य ज्या मुलींचे प्रोफाईल सार्वजनिक होते त्यांना टार्गेट करायचे आणि नंतर त्यांचे अनेक फोटो चोरुन कॉल गर्ल बुकिंग अ‍ॅप्सवर पोस्ट करायचे.
कॉल गर्ल्स बुक करण्यासाठी अ‍ॅप व्यतिरिक्त आरोपींनी इतर अनेक पद्धतींचा अवलंब केला होता. ते लोकांना व्हॉट्सअ‍ॅपवर बनावट कॉल गर्ल्सचे फोटो पाठवत असे.
ग्राहकाला आपल्या जाळ्यात अडकवण्यासाठी टोळीतील सदस्य मुली असल्याचे भासवून त्यांच्याशी गप्पाही मारत असत. ग्राहकासोबत दर निश्चित झाला की, ते त्याला भेटण्यासाठी निर्जन ठिकाणी बोलवायचे.
टोळीतील अनेक जण मुलीला घेऊन त्या ठिकाणी पोहोचायचे. आणि ग्राहकाकडून (Customer) पैसे घ्यायचे. यानंतर ग्राहकाने मुलीसोबत जायचे आहे असे सांगितले असता, ते त्याला बंदूकीचा धाक दाखवून तेथून पळवून लावायचे.
कॉल गर्ल बुकिंग अ‍ॅपमागील सूत्रधार राकेश मीना नावाचा व्यक्ती असल्याचे समोर आले आहे. मिळालेल्या माहितीनुसार, ही टोळी गेल्या सहा महिन्यांपासून सक्रिय होती. या टोळीने 800 हून अधिक लोकांना अडकवून 5 कोटींहून अधिक रुपयांची फसवणूक केली आहे. पोलिसांनी सूत्रधाराला अटक केली आहे. या प्रकरणाचा तपास सुरु आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.