भारतीय जनता पक्षाचे (BJP) खासदार महंत बालकनाथ योगी यांचा राजस्थानमधील अलवरमधील डीएसपीला धमकीचा व्हिडिओ सोशल मीडियावर व्हायरल होत आहे. चार कामगारांना ताब्यात घेतल्याबद्दल बेहरोर डीएसपींना बोलताना बालकनाथ यांचा संयम सुटला. त्यांनी डीएसपी आनंद राव यांना गणवेशातील गुंड असेही म्हटले. 'माझे नाव लक्षात ठेवा... हे फक्त 8 महिन्यांचे सरकार आहे, मग भाजप येणार आहे. मी तुला येथून जाऊ देणार नाही.' असा सज्जड दम भाजप खासदाराने भरला.
पोलिसांनी दिलेल्या माहितीनुसार, सहा जानेवारीला हिस्ट्रीशीटर विक्रम गुर्जर उर्फ लादेनवर गोळीबार झाला होता. पोलिसांनी त्याला वैद्यकीय तपासणीसाठी जिल्हा रुग्णालयात बेहरोड येथे नेले. गोळीबारात लादेन बचावला, मात्र उपचारासाठी तेथे आलेल्या इमरती देवी आणि भुतेरी देवी यांच्या पायाला गोळी लागली. या प्रकरणावरून पोलिसांनी रविवारी सकाळी काँग्रेस कार्यकर्ते अधिवक्ता राजाराम यादव, भाजप कार्यकर्ता अधिवक्ता हितेंद्र यादव, नूतन सैनी आणि निशांत यादव यांना ताब्यात घेतले. गोळीबाराच्या घटनेशी त्यांचा संबंध असल्याचा दावा पोलिसांनी केला आहे.
महंत बालकनाथ यांचा हा व्हिडिओ व्हायरल झाल्याने आत यावरून राजकारण सुरू झाले आहे. काँग्रेसने खासदार बालकनाथ यांच्यावर निशाणा साधला आहे. राजकारणी किंवा लोकप्रतिनिधींनी असे वागू नये, असे काँग्रेस प्रदेश प्रवक्ते स्वर्णिम चतुर्वेदी यांनी म्हटले आहे. शासकीय अधिकारी व कर्मचारी कोणत्याही पक्षाचे नसतात. त्यांना अशी वागणूक देऊ नये. असेही चतुर्वेदी म्हणाले.
दरम्यान, या प्रकरणाची माहिती मिळताच भिवडीचे एसपी शंतनू कुमार सिंह घटनास्थळी पोहोचले आणि त्यांनी खासदार व इतर नेत्यांशी बोलून प्रकरण शांत केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.