पश्चिम बंगालच्या पूरबा वर्धमान जिल्ह्यात शनिवारी संध्याकाळी भाजप नेते राजू झा यांची गोळ्या झाडून हत्या करण्यात आली. राजू झा हे कोलकात्याला जात असताना शक्तीगढ पोलीस ठाण्यात हद्दीत काही अज्ञात व्यक्तींनी त्यांच्यावर गोळीबार केला.
या हल्ल्यात राजू झा यांचा जागीच मृत्यू झाला. त्यांच्यासोबत असलेले दोन जण गंभीर जखमी झाले आहे. जखमींना जवळच्या रुग्णालयात दाखल करण्यात आले असून त्यांच्यावर उपचार सुरू आहेत, अशी माहिती पोलिसांनी दिली. याप्रकरणी पोलीसांचा तपास सुरु आहे.
मिळालेल्या माहितीनुसार, राजू झा वर्धमानहून कोलकाता येथे जात असताना शक्तीगड येथील मिठाईच्या दुकानाबाहेर काही अज्ञात लोकांनी त्यांच्यावर गोळीबार केला. राजू झा यांच्या बरोबर तीन जण कारने प्रवास करत होते.
राजू झा यांच्यावर गोळीबार केल्यानंतर हल्लेखोरांनी घटनास्थळावरून पळुन गेले. या हल्ल्यामागचा हेतू अद्याप समजू शकला नाही. याप्रकरणी पोलिसांनी पुढील तपासाला सुरुवात केली आहे.
या हल्ल्यात गंभीर जखमी झालेले राजू झा यांना जवळच्या रुग्णालयात नेण्यात आले होते. पण रुग्णालयात पोहोचल्यानंतर डॉक्टरांनी त्यांना मृत घोषित केले. तर, इतर जखमींना रुग्णालयात दाखल करून घेतले. डिसेंबर 2021 मध्ये झालेल्या विधानसभा निवडणुकीपूर्वी राजू झा यांनी भाजपमध्ये प्रवेश केला होता, अशी माहिती समोर आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
