सुशांत सिंग राजपूतचे अनुकरण करत तरुणाने केले असे कृत्य की ऐकून व्हाल थक्क!

Land on Moon : उत्तर प्रदेशातील जिल्ह्यातील एक प्रॉपर्टी डीलर, बिकेश कुमार याने चंद्रावर एक एकर जमीन खरेदी केली आहे. चंद्रावर जमीन खरेदी करण्यासाठी बिकेश कुमारने दीड महिन्यापूर्वी लुना सोसायटीच्या वेबसाइटवरून नोंदणी केली होती. यासोबतच त्याने ऑनलाइन पैसेही भरले होते. शुक्रवारी चंद्रावर जमीन खरेदी करण्यासोबतच बिकेश कुमारला चंद्राचे नागरिकत्व मिळाले. यासोबतच जमिनीच्या कागदपत्रांसह अनेक अधिकारही त्याला देण्यात आले आहेत. त्याने सांगितले की, चंद्राचे नागरिकत्व त्याला लुना सोसायटीने दिले आहे. (Bikesh Kumar, a property dealer in Uttar Pradesh district, has bought an acre of land on Chandra.)

चंद्रावर जमीन खरेदी करणारा हा व्यक्ती फतेहपूर जिल्ह्यातील थाना कोतवाली भागातील गौतम नगरचा रहिवासी असून तो मालमत्ता खरेदीचा व्यवहार करतो. प्रॉपर्टी डीलर बिकेश कुमार याने सांगितले की, अभिनेता सुशांत सिंग राजपूत (Sushant Singh Rajput) आत्महत्या प्रकरणादरम्यान त्याने टेलिव्हिजनवर चंद्रावर जमीन खरेदी केल्याची बातमी पाहिली होती, ज्यामध्ये चित्रपट अभिनेता सुशांत सिंग राजपूतने चंद्रावर जमीन खरेदी केल्याचे दाखवण्यात आले होते.

दूरचित्रवाणीवर ही बातमी पाहिल्यानंतर त्यांच्यात चंद्रावर जमीन खरेदी करण्याची उत्सुकता वाढली. त्यासाठी त्याने लुना सोसायटीच्या वेबसाइटवर ऑनलाइन अर्ज केला.

यासोबतच त्याने 158 डॉलरचे ऑनलाइन पेमेंट देखील केले. हे भारतीय चलनात सुमारे सुमारे 11 हजार रुपये आहेत. शुक्रवारी त्याला सोसायटीने मालमत्तेची कागदपत्रे दिली. बोर्डिंग पास आणि तिकिटेही सोसायटीने उपलब्ध करून दिली आहेत. प्रॉपर्टी डीलर बिकेश कुमार याने सांगितले की, भविष्यात जर त्याला तिथे जावे लागले तर तो नक्कीच जाईल, कारण फार कमी लोक चंद्रावर गेले आहेत.