'रसगुल्ला' ठरला भारतीय रेल्वेसाठी संकट; गाड्या रद्द, प्रवासी नाराज

दुधापासून बनवलेला गोड रसगुल्ला अनेकांच्या आवडीचा आहे. पण, रसगुल्ल्यामुळे भारतीय रेल्वेचे मोठे नुकसान झाले असेल,असा तुम्ही कधी विचार केला आहे का? पण होय, रसगुल्ल्यामुळे भारतीय रेल्वेचे कसे नुकसान झाले आहे.

बिहारमधील लखीसराय येथील बरहिया रेल्वे स्थानकावर 10 गाड्या थांबवण्याच्या मागणीसाठी अनेक स्थानिकांनी सुमारे 40 तास निदर्शने केली. या निदर्शनात स्थानिक लोकांनी रेल्वे रुळावरच तंबू ठोकले आणि 40 तास बसून गाड्यांची वाहतूक रोखून धरली. त्यामुळे हावडा-दिल्ली रेल्वे मार्गावरील डझनभर गाड्या 24 तास रद्द कराव्या लागल्या. तर 100 हून अधिक गाड्या वळवण्यात आल्याने प्रवाशांनाही मोठा त्रास सहन करावा लागला.

रसगुल्ल्याचा नेमका काय संबंध?

लखीसरायचे रसगुल्ले देशभरात अतिशय अनोखे आणि प्रसिद्ध आहेत.हे फार कमी लोकांना माहीत आहे. याला मोठी मागणी आहे, रसगुल्ले जवळच्या राज्यांमध्येही नेली जातात. विशेषत: लग्नसमारंभात लोक त्याची मागणी करतात. शहरात 200 हून अधिक दुकाने या व्यवसायात आहेत आणि दररोज शेकडो रसगुल्ले तयार करतात. मात्र, गाड्या न थांबल्याने व्यवसायावर वाईट परिणाम झाला आहे. त्यामुळे लोकांमध्ये प्रचंड नाराजी आहे. कारण ते देशाच्या विविध भागात साठा पुरवठा करू शकत नाहीत.(bihar barhiya railway station protest indian railway rasgulla impact on howrah delhi rail line)

ही आंदोलकांची मागणी

कोविडच्या काळातही बार्हियामध्ये गाड्या न थांबल्याने मिठाईच्या व्यवसायावर वाईट परिणाम झाला होता. रेल्वे स्थानकावर सध्या एकही गाडी थांबत नसल्याने स्थानिक नागरिक आणि मिठाईवाले संतप्त झाले आहेत. लखीसरायचे जिल्हा दंडाधिकारी संजय कुमार यांनी सांगितले की, बर्हिया येथे अनेक एक्स्प्रेस गाड्या थांबलेल्या नाहीत. त्यामुळे त्यांच्या सोयीसाठी, स्थानकावर नियोजित थांबे करण्यात यावेत, अशी मागणी करत मोठ्या संख्येने लोक स्टेशनवर रुळांवर बसले आहेत.

बंद प्रदर्शन

आत्तापर्यंत या आंदोलनाचे काही परिणाम दिसून आले आहेत. रेल्वेने एक्स्प्रेस गाडी थांबवण्याचे लेखी आश्वासन दिले आहे. त्यानंतर सोमवारी सायंकाळी स्थानिकांनी आंदोलन थांबवले आणि आता त्या मार्गावरून गाड्यांची वाहतूकही सुरू झाली आहे.