बँक कर्मचाऱ्याच्या चुकीमुळे भलत्याच व्यक्तींच्या खात्यात जमा झाले दिड कोटी

तेलंगणा येथे एसबीआय बँकेच्या कर्मचाऱ्याच्या कारकुनी चुकीमुळे मोठा गोंधळ निर्माण झाला.
मिळालेल्या माहितीनुसार, कर्मचाऱ्याच्या चुकीमुळे तेलंगणा सरकारच्या दलित बंधू योजनेसाठीचा निधी भलत्याच व्यक्तींच्या बँक खात्यात ट्रान्सफर झाला.

अनुसूचित जातीच्या कुटुंबासाठी 10 लाख रुपये एकरकमी भांडवली मदत पुरविण्याचे या विशेष योजनेचे उद्दिष्ट आहे. मात्र कर्मचाऱ्याच्या चुकीमुळे या योजनेचा निधी लोटस रुग्णालायच्या 15 कर्मचान्यांच्या खात्यात जमा झाला. ही रक्कम तब्बल 1 कोटी 50 लाख होती. यामुळे प्रतेक कर्मचाऱ्याचा खात्यात 10 लाख जमा झाले.

हा घोळ समोर येताच बँकेच्या अधिकाऱ्यांनी चूक मान्य केली तसेच रुग्णालयाच्या कर्मचाऱ्यांना रक्कम परत करण्याची विनंती केली. मीडिया रिपोर्टनुसार, 15 पैकी 14 कर्मचाऱ्यांनी त्यांच्या खात्यात जमा झालेले पैसे परत केले आहेत. मात्र एकाशी अजून संपर्क होऊ शकलेला नाही. या चुकीबद्दल बँक कर्मचा-याविरोधात तक्रार नोंदवण्यात आलेली नाही.